Fjalori

Rezultate në përkufizime për “stanar”

Mëso si ta përdorësh
<<< Kthehu te kërkimi kryesor në fjalor

BJESHKËTAR

BJESHKËTÁR,~I [BJESHKATÁR,~I] m. sh. ~Ë, ~ËT 1. Banor i bjeshkëve.
2. Ai që veron me bagëti në bjeshkë, stanar. Bjeshkëtarët në mot të mirë ngjiten në bjeshkë.
3. sport. Alpinist. Shoqata e bjeshkëtarëve.
✱Sin.: bjeshkor, bjeshkali, stanar.

SHËMRIAK

SHËMRIÁK,~U m. sh. ~Ë, ~ËT Bariu që kujdeset për bagëtinë e disa familjeve, çoban. Kishte dalë shëmriak. Shëmriak i ri. Ia besuan bagëtinë shëmriakut.
✱Sin.: bari, çoban, çobanak, stanar.

STANAR

STANÁR,~I m. sh. ~Ë, ~ËT 1. Ai që përkujdeset për bagëtitë në stan dhe që punon bulmetin; bari i stanit. Stanarët mblodhën bulmetin dhe po e bënin gati ta dërgonin në fshat. Stanari doli të kërkonte bagëtinë që kishte mbetur pas në luginë.
2. vjet. Ai që ishte pronar i një stani. Ishte stanari më i vjetër i asaj zone. Plaku ishte larguar prej kohësh tashmë dhe stanar i ri u bë nipi i tij.
✱Sin.: bjeshkatar, çobanak, qumështor, stopan, çelnik.

STOPAN

STOPÁN,~I m. sh. ~Ë, ~ËT Ai që punon bulmetin në stan, bën gjalpë, djathë e gjizë. Stopan i vjetër. Kishin marrë me vete stopanin. Gjithë jetën kishte qenë stopan.
✱Sin.: stanar, bjeshkatar, çakmash.

TUBANIK

TUBANÍK,~U m. sh. ~Ë, ~ËT 1. Bari a stanar që kujdeset për shumë tufa dhensh; bari që ruan bagëtitë e gjithë fshatit; çoban.
2. vjet. Ai që kishte shumë bagëti. Tubanik i njohur në krejt krahinën.
✱Sin.: çoban, dhenar, delmer, çelnik, skuter.

ÇELNIK

ÇELNÍK,~U m. sh. ~Ë, ~ËT vjet. 1. Pronar i një tufe të madhe bagëtish; kryetari i barinjve të një kopeje të madhe. Çelnik i madh. Familje çelnikësh. Pajtohej te çelniku.
2. Ai që punonte bulmetin në një stan me shumë barinj, stopan; stanar.
✱Sin.: kryebari, çeling, stopan, stanar.

ÇOBANAK

ÇOBANÁK,~U m. sh. ~Ë, ~ËT Stanar. Stani kishte dy çobanakë. E ruanin tufën me shumë çobanakë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë