Fjalori

Rezultate në përkufizime për “stampë”

Mëso si ta përdorësh
<<< Kthehu te kërkimi kryesor në fjalor

FORMUES

FORMÚES,~E mb. 1. tek. Që i jep formën diçkaje. Makinë formuese. Stampë formuese.
2. edhe fig. Që shërben për të edukuar dikë dhe për ta pajisur me një botëkuptim të caktuar. Lëndë formuese. Ka qëllim formues. Lodra (lojëra) formuese.

SHTAMPË

SHTÁMP/Ë,~AII f. sh. ~A, ~AT 1. tek. Stampë. Përgatitja e shtampave.
2. fig. Përsëritje e diçkaje të njohur ashtu siç është, pa i ndryshuar e pa i shtuar gjë, kopjim mekanik; formulë, shprehje a ide që është përdorur dhe është shfrytëzuar nga shumë të tjerë; shabllon. Shtampat e shtypit. Shtampat e prishin gjuhën.

STAMPIM

STAMPÍM,~I m. sh. ~E, ~ET tek. 1. Prodhim me derdhje, prerje, shtypje etj. me stampë i veglave, pjesëve ose sendeve të ndryshme. Procesi i stampimit të detaleve zhvillohej në temperaturë të lartë. Stampimi në të ftohtë kërkonte një pajisje të veçantë, nuk mundën ta realizonin.
2. Riprodhim në letër me pllakë metali ose gome të prerë ose të gdhendur i një figure. Stampim i ftohtë (i nxehtë). Makina e stampimit. Stampimi i pjesëve të ndërrimit. Stampimin e fotografive e bënte vetëm mjeshtri fotograf.

STAMPUAR

STAMPÚAR, (i, e) mb., tek. 1. Që është stampuar; është prodhuar me prerje, shtypje etj. me stampë. Veglat e stampuara do të kalonin në procesin pasardhës. Pjesët e stampuara të makinerive u ngarkuan nëpër makina për t’u shpërndarë.
2. Që është e riprodhuar në letër me pllakë metali ose gome të prerë ose të gdhendur. Të gjitha figurat e stampuara u shfaqën për vizitorët. Me fotografitë e stampuara do të organizonin një ekspozitë.

STAMPË

STÁMP/Ë,~A f. sh. ~A, ~AT spec. 1. Kallëp prej metali të fortë me trajtë të caktuar, me anë të të cilit prodhohen në seri vegla, pjesë ose sende të ndryshme me derdhje, me prerje, me shtypje etj. Mjeshtri kishte një stampë të veçantë për formën e çelësave. Dy ndihmësit përgatitën stampat me kujdes dhe nisën nga puna. I ndërroi stampën.
2. bised. Makina e stampimit. E bën me stampë. E futi në stampë.
3. Pllakë e hollë metali ose gome, e prerë a e gdhendur në trajtën e një figure, që përdoret për riprodhime mbi letër duke e lyer me bojë. Stampë femër (tek.) matricë.

VIZAMË

VIZÁM/Ë,~AII f. sh. ~A, ~AT Vendi ku është shkruar marka e prodhimit të pantallonave, trikos, xhaketës etj., marka e fabrikës a e firmës, etiketë, stampë. Vizama e xhaketës (trikos).
✱Sin.: etiketë, stampë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë