Fjalori

Rezultate në përkufizime për “stabilizuar”

Mëso si ta përdorësh
<<< Kthehu te kërkimi kryesor në fjalor

ANTIPARALELOGRAM

ANTIPARALELOGRÁM,~I m. sh. ~E, ~ET gjeom. Paralelogram vetëkryqëzues; katërkëndësh me dy çifte të kundërta brinjësh me gjatësi të barabarta, por që nuk janë paralele; kund. paralelogram. Lidhje e antiparalelogrameve për të stabilizuar kthesat.

NATYRALIZUAR

NATYRALIZÚAR (i, e) mb. 1. Që lidhet me një bimë a me një kafshë të stabilizuar mirë në një areal ose në një sipërfaqe të caktuar, pasi është ndërfutur prej një vendi tjetër, që riprodhohet lirshëm dhe ruan pozicionin e saj në konkurrencë me bimët apo me kafshët vendase; kund. i çnatyralizuar. Bimë (kafshë) e natyralizuar. Speciet e natyralizuara.
2. I përshtatur mirë me kushtet e reja në një vend tjetër, me mjedisin social të atij vendi. Emigrantë të natyralizuar.

PALUHATSHËM

PALUHÁTSH/ËM (i), ~ME (e) mb. Që i përmbahet me këmbëngulje një qëndrimi ose një vendimi, që nuk luhatet, i palëkundshëm, i vendosur; kund. i luhatshëm. Tension i paluhatshëm.
✱Sin.: i palëkundshëm, i palëvizshëm, i qëndrueshëm, i stabilizuar.

PASTABILIZUAR

PASTABILIZÚAR (i, e) mb. Që nuk është i stabilizuar; që nuk është stabilizuar; kund. i stabilizuar. Inflacion i pastabilizuar (fin). Trase (rrugë) e pastabilizuar.

STABILIZOHEM

►STABILIZ/ÓHEM jovep., ~ÓVA(u), ~ÚAR 1. vetv., vet. v. III Bëhet i qëndrueshëm, nuk pëson më ndryshime a lëkundje U stabilizua gjendja. U stabilizua tregu. U stabilizuan çmimet.
2. Zë një vend të përhershëm për të jetuar a punuar, ngulem diku. U stabilizua në fshat. Ishin stabilizuar mirë në dhomat e reja.
3. pës. e STABILIZÓJ.

STABILIZUAR

STABILIZÚAR (i, e) mb. 1. Që është stabilizuar; i kthyer në gjendje të qëndrueshme. Kurs këmbimi i stabilizuar. Situata shëndetësore e stabilizuar i lejoi mjekët të ndërhynin në kohë. Tregu i stabilizuar i lejonte fermerët të dërgonin prodhimet e tyre në çdo stinë.
2. Që ka qëndrueshmëri, stabilitet. Politika rajonale e stabilizuar do të lejonte një lëvizje më të shpejtë të njerëzve dhe mallrave.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë