Fjalori

Rezultate në përkufizime për “spraps”

Mëso si ta përdorësh
<<< Kthehu te kërkimi kryesor në fjalor

BYTHËPRAPS

BYTHËPRÁPS (BYTHAPRÁPS) vep., ~A, ~UR bised., kal. E shtrëngoj dikë të tërhiqet praptas, zmbraps; kthej mbrapsht.
✱Sin.: spraps, zmbraps, prapoj, prapësoj, zbyth, rrëbyth, shpërbyth.

MBRAPS

MBRAPS vep., ~A, ~UR kal. Zmbraps. Mbraps protestuesit (ushtrinë). Mbraps rrezikun. Mbraps të keqen. Mbraps euforinë.
✱Sin.: zbyth, praps, spraps.

MUNXASPRAPËS

MUNXASPRÁPËS,~I m. sh. ~, ~IT Ai që nuk lejon që ta zërë mallkimi i munxës dikë a diçka, ai që spraps munxën.

SPRAPS

SPRAPS vep., ~A, ~UR kal. Shtyj prapa dikë që më vjen përballë a që e kam përpara, e detyroj që të tërhiqet prapa; zmbraps. E sprapsën armikun. Sprapsën valën e parë të sulmit.
✱Sin.: zmbraps, tërheq.

SPRAPSEM

►SPRÁPS/EM jovep., ~A (u), ~UR 1. vetv. Tërhiqem prapa ose detyrohem të tërhiqem përballë dikujt. U sprapsa për t'i liruar rrugën.
2. fig., vetv. Heq dorë nga diçka duke mos e përballuar dot, tërhiqem para diçkaje të vështirë; zmbrapsem. Nuk sprapsen para vështirësive.
3. pës. e SPRAPS. U spraps sapo hasi pengesën e parë. Ishin sprapsur prej disa kohësh.
✱Sin.: zmbrapsem, tërhiqem.

SPRAPSJE

SPRÁPSJ/E,~A f. sh. ~E, ~ET 1. Veprimi kur spraps a sprapsem. Sprapsja e sulmit. Sprapsja para pengesave (vështirësive).
2. Heqja dorë nga diçka. Sprapsja ishte vendimi më i matur në atë moment.
✱Sin.: zmbrapsje; tërheqje.

ZBRAPS

ZBRAPS vep. ~A, ~UR kal. Zmbraps, spraps.

ZMBRAPS

ZMBRAPS vep., ~A, ~UR kal. E shtyj prapa dikë që lëviz përpara ose që ka qëndruar në vend, e bëj të tërhiqet prapa; e ndaloj dhe e detyroj të tërhiqet prapa dikë a diçka që vjen drejt meje; zbyth. I zmbrapsi qetë. - Zmbrapse qerren deri te hendeku dhe shkarko plehun. E zmbrapsën sulmin (kundërshtarin). Kjo rrugë e gjatë, shqiptarët nuk i lodhi, nuk i zmbrapsi, nuk i tjetërsoi. Është i vendosur për t’i zmbrapsur. I detyroi akeasit të zmbrapsen. Sulmin e parë e zmbrapsëm pa vështirësi.
2. fig. E tërheq një vendim, një urdhër etj. që kam dhënë më parë. E zmbrapsi vendimin. Kishte zmbrapsur dënimin. Ky pakt zmbraps çdo lakmim, ndalon çdo rrezik.
✱Sin.: prapësoj, praps, spraps, mbrapshtoj, prapoj, zbyth, shpërbyth, prapakthej, shfuqizoj, anuloj.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë