Fjalori

Rezultate në përkufizime për “sportiste”

Mëso si ta përdorësh
<<< Kthehu te kërkimi kryesor në fjalor

ATLETE

ATLÉT/E,~JA f. sh. ~E, ~ET sport. Sportiste që merret me atletikë; ajo që ka trup të lidhur, të zhdërvjellët e të shkathët. Atlete gjimnastike. Trajnimi i atletes. Atlete e garave të gjata.

BJELLORUS

BJELLORÚS,~E mb. Që lidhet me Bjellorusinë ose me bjellorusët, që është karakteristik për Bjellorusinë a për bjellorusët, i Bjellorusisë ose i bjellorusëve; që është krijuar nga bjellorusët. Populli bjellorus. Tradita bjelloruse. Aktore (sportiste) bjelloruse. Ekonomia bjelloruse. Linguistika bjelloruse.

FANTAZISTE

FANTAZÍST/E,~JA f. sh. ~E, ~ET 1. Ajo që fantazon, ëndërruese, utopiste. Fantaziste e njohur.
2. Sportiste, zakonisht një futbolliste sulmuese, që bën një lojë të paparashikueshme. Trajneri foli me fantazisten.

GJIMNASTE

GJIMNÁST/E,~JA f. sh. ~E, ~ET Sportiste që merret kryesisht ose vetëm me gjimnastikë; ajo që merret rregullisht me gjimnastikë. Gjimnaste e shkathët. Garat e gjimnasteve.

GJYSMËFINALISTE

GJYSMËFINALÍSTE,~JA f. sh. ~E, ~ET Skuadër a sportiste që del a kalon në gjysmëfinale. Gjysmëfinalistja e dytë.

HEDHËSE

HÉDHËS/E,~JA f. sh. ~E, ~ET 1. Ajo që hedh diçka. Hedhësja e farës.
2. sport. Sportiste profesioniste që merret me hedhje disku, çekiçi, shtize etj. Hedhësja e gjyles.
3. Mjet a vegël që shërben për të hedhur a për të lëshuar diçka. Hedhëse uji. Hedhëse qymyrguri. Hedhëse bombash bombahedhëse. Hedhëse granatash granatahedhëse. Hedhëse flake flakëhedhëse.

LOJTARE

LOJTÁR/E,~JA f. sh. ~E, ~ET Ajo që merr pjesë në lojëra të ndryshme sportive.
2. vjet. Artistja a aktorja që luante një rol në një vepër dramatike.
✱Sin.: sportiste, artiste, gaztore, hokatare, shakatare.

MARATONISTE

MARATONÍST/E,~JA f. sh. ~E, ~ET sport. Sportiste që merr pjesë në garën e maratonës, vrapuese e maratonës. Maratonistja kampione.

MUNDËSE

MÚNDËS/E,~JA f. sh. ~E, ~ET 1. Ajo që ka fituar mbi një tjetër në një ndeshje, në një luftë etj., ajo që ka mundur dikë.
2. sport. Sportiste e përgatitur për mundje, ajo që bën ndeshje mundjeje. Mundësja e famshme që po bën histori. Mundësja e parë shqiptare që arrin të fitojë një medalje të artë.

NOTARE

NOTÁR/E,~JA f. sh. ~E, ~ET Ajo që di të bëjë not mirë; sportiste që merret me not. Notaret më të mira të vendit.

PARASHUTISTE

PARASHUTÍST/E,~JA f. sh. ~E, ~ET 1. Ajo që hidhet me parashutë; sportiste që merret me parashutizëm.
2. usht. Ushtare i njësive të posaçme luftarake, e stërvitur për t’u hedhur me parashutë dhe për të luftuar zakonisht në prapavijat e armikut.

PATINATORE

PATINATÓR/E,~JA f. sh. ~E, ~ET Ajo që merret me patinazh, sportiste patinazhi.

PINGPONGISTE

PINGPONGÍST/E,~JA f. sh. ~E, ~ET Ajo që luan mirë pingpong; sportiste që luan pingpong. Ekipi i pingpongisteve.

PISHTARMBAJTËS

PISHTARMBÁJTËS,~E mb. Që mban pishtarin e lojërave olimpike etj. Sportist pishtarmbajtës. Sportiste (atlete) pishtarmbajtëse.

SHKAS

SHKAS vep., SHKÁVA, SHKÁRË jokal. 1. Nuk më qëndrojnë këmbët atje ku shkel, humbas drejtpeshimin e rrëzohem. Më shkau këmba nga takat e larta. Fëmija shkau, megjithëse e mbante e ëma për dore. - Kujdes mos shket!
2. Nuk qëndron dot në një sipërfaqe të lëmuar a të rrëshqitshme; humbet ekuilibrin dhe mund të dalë nga rruga a nga drejtimi ose mund të rrëzohet, rrëshqet. Shkau mushka (gomari, kali). Shkau makina nga ngrica. Shkau shkalla. Slita shkau mbi akull.
3. Lëviz trupin mbi akull ose dëborë, bëj ski, rrëshqas. Shkas mbi akull. Shkau në pistën e skive si një sportiste.
4. vet. v. III Kalon lehtë e pa pengesa mbi ujë, mbi binarë etj. (për mjetet e transportit); lëviz lehtë. Treni shket mbi shina. Shket varka mbi liqen. Shkasin retë në qiell.
5. vet. v. III Rrjedh në mënyrë të njëtrajtshme pa u ndalur e pa pengesë; shkon poshtë duke rrjedhur; rrëshqet. Shket lumi mes fushës. Uji i malit shket nga një lartësi e madhe. Një pikë loti i shkau mbi fletore.
6. vet. v. III, fig. Ikën me shpejtësi e pa u ndier, rrjedh, rrëshqet. Shkasin vitet (ditët, javët, muajt). Shket koha.
7. kryes. v. III Shkëputem e bie tatëpjetë; ikën nga vendi e bie poshtë; më ikën, më shpëton nga duart. Shkau në një humnerë. Shkau një ortek nga mali. Shkau nga muri (nga pema, nga çatia). Më shkau lapsi. I shkau telefoni nga dora. I shkau këpuca nga këmba. I shkau mushamaja nga supet. I shkau nga duart si ngjalë.
8. vet. v. III Shkëputet nga vendi dhe ulet poshtë, shembet pak nga pak ose përnjëherë, rrëshqet. Tokë (dhe) që shket. Shket vendi atje. Ka shkarë trualli.
9. vet. v. III Zbret pak më poshtë nga vendi i vet, varet. I shkanë syzet. I ka shkarë fundi.
10. Iki fshehurazi, largohem pa u vënë re e pa u ndier, rrëshqas, përvidhem. Shkau përjashta. Shkau si hije.
11. fig. I shmangem dikujt a diçkaje, i dredhoj, i rrëshqas, i bëj bisht. I shkau përgjigjes dhe nuk dha asnjë zgjidhje. U shkau pyetjeve me zgjuarsi. U shkau detyrimeve. Shket nga fjala vazhdimisht ai djalë.
12. vet. v. III, fig. Kalon lehtë e shpejt mbi diçka; endet andej-këtej e shkon e bie mbi dikë a mbi diçka. Gjarpri shkau nga shkurret në bar. Vështrimi i shkau në dysheme. Sytë i shkanë tek ajo.
13. kryes. v. III, fig. Më shpëton padashur një gabim; them padashur diçka që nuk duhej thënë; më shpëton. Më shkau goja (gjuha). I shkau llafi. I shkau pena. I shkau dora e i hodhi gjellës shumë yndyrë. I kanë shkarë disa gabime drejtshkrimore. - Si më paska shkarë kjo? - Këtu shkave!
14. Ndërpritet një shtatzëni pa dashur. I shket barra në muajin e gjashtë.
15. Dëkohem, shembem. Më shket dhjamët.
16. fig. Largohem pjesërisht ose tërësisht nga një grupim a një ide. Shkau nga e djathta. Shkau nga vija.
17. fig. Bie në një gjendje jo të mirë. Shkau në pesimizëm.
✱Sin.: rrëshqas, rrjedh, gaboj, humb, rrjedh, rrokullisem, rrëzohem, ikën, shkëputet, bie, shembet, vithiset, roit, fundoset, humbet, varet, përvidhem, shmangem, mënjanohem, largohem.
♦ Më shkau (më rrëshqiti) nga *duart (nga dora) (dikush a diçka). Më shpëtoi (më shkau, më rrëshqiti) *goja. Më shkau (me rrëshqiti) *gjuha. I shkau (i rrëshqiti) *këmba (dikujt). Shket (rrëshqet) si *ngjalë (dikush). I shket (i ecën) *pena (dikujt). I kanë shkarë *trutë (dikujt). I kanë shkarë *vidhat (burgjitë) (dikujt).

SKERMËTARE

SKERMËTÁR/E,~JA f. sh. ~E, ~ET sport. Sportiste që përdor shpatën, ajo që merret me sportin e skermës. Nuk kishin shumë skermëtare në skuadër.

SKIATORE

SKIATÓR/E,~JA f. sh. ~E, ~ET sport. Ajo që ushtron sportin e skive, sportiste që rrëshqet me ski; skitare. Ishin mbledhur të gjitha skiatoret për të festuar. Gara mes skiatoreve sa vinte e bëhej më e fortë.

TEJLODHUR

TEJLÓDHUR (i, e) mb. Që është tejlodhur, që është rraskapitur (dërrmuar); Lojtar (kalë) i tejlodhur. Sportiste e tejlodhur. Qe të tejlodhur së lëruari gjithë ditën.
✱Sin.: i rraskapitur, i dërrmuar, i stërmunduar, i stërlodhur, i robtuar, i telikosur, i drobitur.

TRUPBUKUR

TRUPBÚKUR mb. Që ka trup të bukur. Vajzë (balerinë, sportiste) trupbukur.

VATERPOLISTE

VATERPOLÍST/E,~JA f. sh. ~E, ~ET sport. Lojtare e vaterpolos, sportiste në vaterpolo. Vatërpolistet e qytetit.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë