Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
CÍNG/ËL,~LI m. [CÍNG/ËL,~LA f.] sh. ~LA, ~LAT 1. Shkop i shkurtër dhe i prerë pjerrtas në të dy anët, me të cilin luajnë fëmijët duke e goditur me një stap më të gjatë; loja që luhet me këtë shkop. Shkop e cingël. Luaj (me) cingël. I bie cinglit. Hedh cinglin. I hollë si cingël. Sa një cingël shumë i vogël e i imët (zakonisht për fëmijët).
2. Shkop i vogël, që mban të ngrehur grackën e zogjve. Bie cingli.
3. Shkop i vogël për të punuar në vegjë a në tezgjah.
4. Stoli e vogël si ky shkop.
✱Sin.: cingth, pingël, pikël, cungal, spilc, shtjekëz, xhingël.
♦ Është bërë cingël (dikush) u lig e u dobësua shumë; u tret e u tha; u bë kockë e lëkurë; u bë çengel; u bë cingaridhe; u bë kërrabë. Luan cingël (cingëlthi) (me dikë) tallet me dikë, duke mos e marrë një punë me gjithë mend; bën si do vetë me dikë; e sjell rrotull (dikë); luan cicmic.
RRÉZ/E,~JA f. sh. ~E, ~ET 1. Fill i hollë e i drejtë drite, që del nga një burim ose nga një send tjetër i ndritshëm. Rrezet e diellit. Rrezet e dritës. Pasqyrimi i rrezeve. Lëshon rreze. Ra një rreze. Përhapen rrezet.
2. fiz., vet. sh. Tufë grimcash ose valësh elektromagnetike që dalin nga një trup e përhapen në një drejtim të caktuar; rrezatim. Rreze të padukshme. Rreze ultravjollcë. Rreze kozmike. Bëj (marr) rreze. bised. mjekohem me rrezatim.
3. fig. Shfaqje e shpejtë e një ndjenje të mirë ose e një dukurie, që ngjall gëzim, shpresë, besim etj. Rreze e së vërtetës. Iu shfaq një rreze shprese.
4. gjeom. Vija e drejtë që lidh qendrën e një rrethi me një pikë çfarëdo të periferisë së tij, gjysma e diametrit të një rrethi; gjatësia e kësaj vije. Rrezja e një rrethi. Gjatësia e rrezes. Mat rrezen. Heq një rreze.
5. Secili nga drurët që shtrëngojnë gavejtë e rrotës së qerres te bucela, spicë, gishtës. Rrezet e qerres. Iu thye një rreze. I vuri një rreze të re.
6. Diçka e përkulur a në trajtë të një gjysmërrethi. Qëndismë me rreze. I vë në trajtë rrezesh.
7. fig. Rrethi brenda të cilit vepron dikush a diçka; caku që arrin duke u nisur nga një pikë a nga një qendër. Rrezja e veprimit. Rrezja e detyrimit shkollor. Me rreze të gjatë (të mesme, të shkurtër) veprimi. E zgjeroi rrezen e kontrollit.
8. Përqindja e pjesës së dobishme të një prodhimi me prejardhje nga bimët a nga kafshët kundrejt tërësisë që merret në fillim. Rreze e lartë (e ulët). Rrezja e bukës. Rrezja e mishit. Rrit (ul) rrezen. Jep rrezen e parashikuar.
9. zool. Secila nga pjesët e forta, që përbëjnë skeletin e pendëve të peshqve. Rrezja e parë (e fundit). Rreze të forta (të buta). Rrezet e pendëve kurrizore (të barkut).
10. bised. Briri i një kafshe. Rrezet e dhisë. I ka rrezet përpjetë.
11. bised. Shullë. Rrinë (piqen) në një rreze. E qitën bagëtinë në një rreze.
✱Sin.: ndriçim, spilc, tallaz, shullë.
♦ E bëj rreze (diçka) e laj a e pastroj mirë, e shkëlqej. Ka rreze (është me rreze) (dikush a diçka) është shumë i bukur, ka pamje shumë të hijshme; shkëlqen, ndrit; (është) rreze dielli2 (dikush). Iu këputën rrezet (dikujt) i dështoi një punë, e pësoi pa përfunduar diçka. Ia ngushtoj rrezen (diçkaje) e kufizoj që të mos përhapet, të mos veprojë shpejt a lehtë në një rreth të gjerë; e pengoj; kund. ia zgjeroj rrezen. Rreze dielli. 1. Diçka shumë e shndritshme, që shkëlqen fort. 2. Njeri shumë i bukur, që ndrit nga bukuria; ka rreze (është me rreze) (dikush). Rreze drite. 1. Pak shpresë që lind për diçka, fije shprese. 2. E dhënë a shenjë e vogël, që na bën të shohim ose të kuptojmë diçka. Ia zgjeroj rrezen (diçkaje) i krijoj kushte që të përhapet, të veprojë më shpejt a më lehtë në një rreth më të gjerë; kund. ia ngushtoj rrezen.
SPILC,~II m. sh. ~A, ~AT 1. Rreze e rrotës së qerres. Spilcat e qerres.
2. Një nga shkopinjtë me të cilët ngrihet batina; cingël. Kishte rënë spilari dhe kurthi nuk kishte zënë asnjë shpend.
✱Sin.: rreze, shtjekëz.
♦* Është ndër (në) spilca a) është gati për të rënë; mezi mbahet në këmbë; b) nuk e zë vendi diku, është i shqetësuar për të ikur sa më parë, rri si mbi gjemba.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë