Fjalori

Rezultate në përkufizime për “spikat”

Mëso si ta përdorësh
<<< Kthehu te kërkimi kryesor në fjalor

ENCIKLOPEDIZËM

ENCIKLOPEDÍZ/ËM,~MI m. 1. Dije të gjithanshme, njohuri enciklopedike. Ky enciklopedizëm pasurohet nga hulumtime. Në artikuj spikat enciklopedizmi i tij. Enciklopedizmi i tij në fusha të ndryshme të dijes. Më tërhiqte enciklopedizmi i tij.
2. Mënyra e paraqitjes dhe e interpretimit të informacionit si në enciklopedi. Libri tjetër ka po atë enciklopedizëm edhe të librit të parë. Enciklopedizmi synon të përfshijë një gamë të gjerë njohurish në një vepër të vetme. Antologjia karakterizohej nga enciklopedizmi i nevojshëm.

MUNGESTAR

MUNGESTÁR,~I m. sh. ~Ë, ~ËT Ai që nuk është i pranishëm, ai që mungon. Midis mungestarëve të mëdhenj spikat një personalitet.

PAH

PAH,~UII m. Pamje e jashtme, paraqitje; dukje, dukë, pashi. Ia humb pahun.
✱Sin.: pamje, skenë, paraqitje, hijeshi, dukje.
♦ Doli në pah. 1. (diçka). U bë e dukshme qartë; u zbulua; spikat; doli në dritë. 2. (dikush). U shqua ndërmjet të tjerave, u dallua; bie në sy. I marr pahun (diçkaje) i heq pjesën më të mirë a më të shijshme. E nxjerr në pah. 1. (diçka). E bëj të duket qartë; e zbuloj; e spikat; e nxjerr në dritë. 2. Tërheq vëmendjen për dikë a për diçka; e theksoj ndërmjet të tjerëve a të tjerave, e nënvizoj; vë theksin; vë në dukje; e nxjerr në reliev.

PISKATËS

PISKÁTËS,~I m. sh. ~, ~IT 1. Ai që piskat, ai që bërtet.
2. Që këndon shumë bukur dhe spikat ndër të tjerë.
3. si mb. Sipas kuptimit të emrit. Zëri piskatës i Tropojës, Fatime Sokoli. Fotot e bëjnë të pavdekshëm momentin piskatës.

RELIEV

RELIÉV,~I m. sh. ~E, ~ET 1. gjeogr. Tërësia e të ngriturave dhe e të ulurave në sipërfaqen e tokës, pamja e sipërfaqes së tokës me male, kodra dhe me ultësira e lugina; paraqitja e zvogëluar e sipërfaqes së tokës me të ngriturat dhe të ulurat. Reliev malor. Reliev i thyer (i ngritur, i lartë). Reliev akullnajor. Relievi i Tokës. Relievi i Shqipërisë. Harta e relievit.
2. Gdhendje në dru, në gur ose në metal në mënyrë që të spikatë mbi sipërfaqe një figurë; vepër skulpture e gdhendur mbi një sipërfaqe. Relievi i medaljes. Relievet e ndërtesës. Gdhend (vizatoj) në reliev. Zbukuroj me reliev.
♦Del në reliev (diçka) bëhet më e dukshme, spikat; del në sipërfaqe; bie në sy. E nxjerr në reliev (diçka) bëj që të spikatë, bëj që të duket më qartë e më lehtë; e nxjerr në pah; vë në dukje.

SONORIZUAR

SONORIZÚAR (i, e) mb., gjuh. Që është sonorizuar; i zëshmuar. Tingulli i sonorizuar spikat më tepër gjatë shqiptimit.

SPIKAT

SPIKÁT (SPIKÁS) vep., ~A, ~UR jokal., kryes. vet. v. ІІI Bie në sy a dallohet mirë midis gjërave të tjera, del në pah, shquhet. Spikatin oxhakët e fabrikave (ndërtesat e reja). Spikatin ngjyrat e forta. Spikatin tiparet e reja. Spikat fryma e shëndoshë kombëtare. Spikat për trimëri (zgjuarsi, guxim, vullnet).

SPIKATEM

►SPIKÁT/EM jovep., ~ (u), ~UR vetv., kryes. vet. v. III Dallohem për ndonjë cilësi a veti, shquhem midis të tjerëve për diçka. Gjatë shfaqjes ishte ai grup që u spikat më shumë nga të gjithë.
✱Sin.: shquhem, dallohem.

SPIKATJE

SPIKÁTJ/E,~A f. Veprimi kur spikat a spikatem; shquarje; dallim. Spikatja e talentit (e mjeshtërisë). Spikatja e tipareve pozitive.

SPIKATUR

SPIKÁTUR (i, e) mb. Që spikat; i shquar; i dalluar. Personalitet i spikatur i letrave shqipe. Personazh me karakter të spikatur.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë