Fjalori

Rezultate në përkufizime për “spik”

Mëso si ta përdorësh
<<< Kthehu te kërkimi kryesor në fjalor

NASHTULL

NÁSHTULL,~A f., krahin. Shokë për të lidhur fëmijën në djep, shogëz; baç, balç, cimbosë, çimboskë, dizgë, ndrizë, spik, shnegull. Pesë fëmijë i ka rritur me një nashtull.

SHNEGULL

SHNÉGULL,~A f. sh. ~A, ~AT 1. Litar i thurur me fije leshi ngjyra-ngjyra, që e përdornin gratë e reja, zakonisht për të ngarkuar djepin në shpinë a për të lidhur fëmijën në djep; shirk a spik që përdoret për zbukurime.
2. Një lloj thesi i qëndisur e i zbukuruar me shirita, që e përdornin gratë për të mbartur plaçka në shpinë.
3. Kolovajzë, shregull.

SPIK

SPIK,~UI m. sh. ~Ë, ~ËT 1. Fill i trashë prej leshi të dredhur, gjalmë leshi. Po tirrte shajakun me spik.
2. Gajtan, zakonisht i zi, i dredhur prej fijesh leshi, që vihet për zbukurim në veshjet kombëtare. Spik i zi (i kuq, i bardhë). Spik i dredhur me tetë fije.
✱Sin.: spikth, gjalmë, gajtan.
♦*I hoqi spik jetës, bënte jetë shumë të mirë.

SPIK

SPÍK,~UIII m. sh. ~Ë, ~ËT Buzë, anë, majë. Ishte ulur në spikun e kodrës e po shikonte fushat poshtë. Herët në mëngjes i pëlqente të ulej në spik të lumit.

SPIK

SPÍK ndajf., bised. Në zgrip; në buzë; gati për t’u rrëzuar a shembur. Kishte mbetur spik e nuk dinte nga të lëvizte. Gota ishte spik mbi tavolinë, e hoqën në kohë. Mos u ul spik.

SPIKTH

SPIKTH,~IIII m. sh. ~A, ~AT bot. Bimë që sapo ka mbirë nga toka; lastar, bimëz, filiz. Spikthi sapo kishte dalë në sipërfaqen e tokës. Spikthi i lules që mbolli kish nisur të bulëzonte.
✱Sin.: bisk, spik.

TEGEL

TEGÉL,~I m. sh. ~A, ~AT 1. Qepje veshjesh, lëkurësh etj. me makinë, pa ndërprerje; gropshtë. Tegeli i pantallonave (i këpucëve). Bluzë me tegela. Xhaketë me tegela. Shkoi drejt (shtrembër) tegeli. I bëri dy tegela. Iu shqep tegeli.
2. Pe që përdoret për këtë lloj qepjeje. E qepi me tegel të kuq. I futi në krye një tegel të zi.
3. Vijë e dukshme e qepjes; spik, buzë. Duket tegeli.
4. tek. Vijë e drejtë, që formohet kur bashkojmë, kur mbërthejmë ose kur ngjitim buzët e dy copave metalike etj. Tegeli i saldimit (i bashkimit). Pastrimi i tegelit. S’i kishte dalë i drejtë tegeli.
✱Sin.: qepje, gropshtë, spik, buzë.

TEHRI

TEHRÍ,~A f. sh. ~, ~TË Fill leshi ose mëndafshi për të stolisur veshjet kombëtare si: jelekun, xhubletën, xhamadanin etj.; gajtan, dredhëzII, spik, shnegull. Xhubletë e zbukuruar me tehri ari. Tehri argjendi. Jelek (xhamadan) me tehri. I qëndisur (i punuar, i bërë) me tehri. Tehria e tespiheve. Asnjë tehri (më tepër) as edhe një fije, asnjë çikë (më tepër). Shtie tehri fut (mbjell) ngatërresa, fut spica.

VRAZHA

VRÁZHA,~T f. vet. sh. Gjalmë i përdredhur prej leshi, që u vihet anës tirqve, gajtanët anash tirqve. Vrazhat e tirqve.
✱Sin.: gajtan, shirit, spik.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë