Fjalori

Rezultate në përkufizime për “spanjishte”

Mëso si ta përdorësh
<<< Kthehu te kërkimi kryesor në fjalor

BOLIVIAN

BOLIVIÁN,~E mb. Që lidhet me Bolivinë ose me bolivianët, që është karakteristik për Bolivinë a për bolivianët, i Bolivisë ose i bolivianëve; që është krijuar nga bolivianët. Populli bolivian. Shtetas bolivian. Ekonomia boliviane. Letërsia (kultura) boliviane. Qytetet boliviane. Spanjishtja boliviane. Arkitekturë boliviane.

HISPANIK

HISPANÍK,~U m. sh. ~Ë, ~ËT Ai që jeton në vendet ku flitet spanjishtja; ai që ka origjinë ose identitet kulturor hispanik.

HISPANIKE

HISPANÍK/E,~JA f. sh. ~E, ~ET Ajo që jeton në vendet ku flitet spanjishtja; ajo që ka origjinë ose identitet kulturor hispanik.

HISPANIZËM

HISPANÍZ/ËM,~MI m. sh. ~MA, ~MAT libr. 1. Ndikim kulturor spanjoll (në art, letërsi, mënyrë jetese, kolonializëm kulturor, etj.).
2. gjuh. Fjalë, shprehje ose tipar gjuhësor i huazuar nga spanjishtja.

LADINO

LADÍNO,~JA f. vet. nj. Gjuhë me bazë nga spanjishtja mesjetare, e folur kryesisht nga hebrenjtë sefardë, me ndikime nga hebraishtja, arabishtja, turqishtja, greqishtja e gjuhë të tjera të rajoneve ku u shpërngulën pas dëbimit nga Spanja më 1492, e njohur ndryshe si judeo-spanjishtja, shkruhet me alfabet hebraik ose latin. Alfabeti i Ladinos. Letërsi e shkruar në ladino. Ladinoja është përdorur gjerësisht për letërsi, këngë popullore dhe dokumente juridike në komunitetet sefarde.

NEOLATIN

NEOLATÍN,~E mb. 1. Që e ka prejardhjen nga latinishtja ose që është krijuar mbi bazën e saj (për gjuhët si italishtja, spanjishtja, frëngjishtja, rumanishtja etj.). Gjuhët neolatine.
2. Që është pasardhës i romakëve ose që ka qenë ndikuar thellë nga pushtimi dhe qytetërimi romak. Popujt neolatinë.

PËRKTHEJ

PËRKTH/ÉJ vep., ~ÉVA, ~ÝER kal. 1. Kthej me shkrim a me gojë diçka nga një gjuhë në një gjuhë tjetër, duke e ruajtur tërësisht kuptimin e fjalëve e të frazave, e shpreh me fjalët e një gjuhe tjetër atë që është shkruar ose që është thënë, duke i ruajtur plotësisht përmbajtjen. Përkthej një roman (një vjershë). Përkthej nga anglishtja (nga frëngjishtja, nga gjermanishtja, nga spanjishtja). Përkthej nga shqipja në italisht. Përkthen lirisht. E përktheu fjalë për fjalë. Përkthej me gojë (me shkrim).
2. Pasqyron, nënkupton, shpreh a shfaq diçka. Unë këtë veprim e përkthej si ndihmë vëllazërore.
3. E kthej diçka në anë të ndryshme për ta parë më mirë etj., e rrotulloj, e vërtit. E ktheu dhe e përktheu nga çdo anë.
✱Sin.: kthej, rrotulloj, shqipëroj, dredh, vërtis.

ROMAN

ROMÁN,~E mb., gjuh. Që e ka prejardhjen nga latinishtja popullore dhe që është vazhdimi i saj; neolatin. Gjuhët romane italishtja, spanjishtja, portugalishtja, frëngjishtja, rumanishtja etj.

SPANJISHTE

SPANJÍSHT/E,~JA f. Gjuhë indoevropiane me prejardhje nga latinishtja që flitet në Spanjë dhe në disa vende të Amerikës Latine. Gjuha spanjolle. Përkthyer nga spanjishtja. I pëlqente shumë spanjishtja.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë