Fjalori

Rezultate në përkufizime për “spërkatëse”

Mëso si ta përdorësh
<<< Kthehu te kërkimi kryesor në fjalor

ATOMIZATOR

ATOMIZATÓR,~I m. sh. ~Ë, ~ËT Pajisje spërkatëse, që përdoret në fushën e mjekësisë, në parfumeri, në industrinë e lyerjes me bojë, në industrinë e duhanit etj. për të shpërndarë një lëng në grimca shumë të vogla ose në formë aerosoli nëpërmjet nxehtësisë ose presionit. Atomizator parfumi. Atomizatori i barnave. Atomizatori i herbicideve.
✱Sin.: atomizues, atomizer.

LAGËSE

LÁGËS/E,~JA f. sh. ~E, ~ET 1. Enë prej teneqeje, me një lëfyt të gjatë e me një hinkë vrima-vrima, e cila përdoret për të ujitur; ujitëse. Lagëse lulesh (duhani). Ujit me lagëse.
2. Kuti e vogël dhe e cekët, që ka brenda një sfungjer të njomur, ku lagim gishtat kur numërojmë paratë a kur shfletojmë një libër etj. ose kur njomim pullat e letra të tjera të lyera me zamkë të thatë. Lagëse gishtash. Lagëse pullash.
3. Punëtore në fabrikën ose në punishten e bukëve, që njom miellin me ujë për të bërë brumë. Lagësja e miellit.
✱Sin.: shoshë, spërkatëse.

POMPË

PÓMP/Ë,~A f. sh. ~A, ~AT 1. Makinë a pajisje e posaçme që shërben për të nxjerrë nga toka ujë ose naftë, për ta ngritur ujin në një vend më të lartë etj.; tullumb uji, trumbë. Pompë elektrike. Pompë ujitëse (ujëheqëse). Pompë (benzine, nafte). Nxjerr me pompë. Pompë hidraulike. Pompë thithëse. Pompë me avull. Pompë me pedal. Pompë me piston. Pompë rrotullore (vertikale).
2. Vegël e posaçme që shërben për të mbartur një gaz nëpërmjet shtypjes, për të fryrë me ajër gomat e biçikletave, të automjeteve etj. Pompë dore. Pompa e biçikletës. Pompa e zjarrfikëses.
3. Vegël që përdoret për të spërkatur bimët, për të lyer muret me gëlqere etj. me anën e forcës së ajrit. Pompë spërkatëse. Pompë grasatuese. Pompë shpine (dore). Pompë vaji. Pompë për pluhurosje (për lyerje).
4. mjek. Pompëz.
✱Sin.: trumbë, tullumb, fryjëtore, spërkatëse.

SPËRKATËS

SPËRKÁTËS,~E mb. 1. Që shërben për të spërkatur bimët, pellgjet a diçka tjetër, që përdoret për të shpërndarë një lëng në trajtë piklash. Mjet spërkatëse. Pompë spërkatëse.
2. Që merret me spërkatje, që është ngarkuar të bëjë spërkatje. Punëtor spërkatës.

SPËRKATËSE

SPËRKÁTËS/E,~JA f. sh. ~E, ~ET 1. Ajo që spërkat. Punon si spërkatëse.
2. Makinë me aparat special për spërkatje të bimëve me solucione kimike për mbrojtjen e tyre nga sëmundjet, nga dëmtuesit dhe barërat e këqija. Përdorin spërkatëset. Morën spërkatëset për të filluar me dezinfektimin.
3. fet. Mjet liturgjik për të spërkatur me ujë të bekuar. Meshtari spërkati vendin me spërkatësen me ujë të bekuar.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë