Fjalori

Rezultate në përkufizime për “sovran”

Mëso si ta përdorësh
<<< Kthehu te kërkimi kryesor në fjalor

AUTONOM

AUTONÓM,~E mb., drejt. 1. Që ka të drejtën të vendosë në mënyrë të pavarur për punët e popullsisë së vet dhe të qeveriset sipas ligjeve të veta, brenda sistemit të një shteti të madh; që ka autonomi, i pavarur, sovran. Shtet autonom. Republikë (krahinë) autonome. Rajon autonom. Institucion autonom. Sistem autonom. Gjykatë autonome.
2. Që është i pavarur; që vepron vetë, pa iu nënshtruar lidhjeve me një tërësi më të madhe. Ndërmarrje (degë, njësi) autonome. Repart autonom. Ekonomi autonome. Zhvillim autonom. Veprime autonome. Automjet autonom (pa shofer). Teknologji autonome.
✱Sin.: i pavarur, i lirë, i mëvetësuar, sovran, vetëqeverisës, vetudhëheqës, vetëvendosës.

SHTET

SHTET,~I m. sh. ~E, ~ET 1. Entitet juridik dhe politik i një grupi shoqëror brenda një territori të caktuar që qeveriset nga një pushtet i institucionalizuar. Shteti shqiptar. Shtetet evropiane.

2. Organet qeverisëse të një vendi me një organizim të tillë. Ligjet e shtetit.

3. Qeverisje me karakter të veçantë. Shtet demokratik. Shtet social. Shtet policor.

4. Një nga njësitë përbërëse të një kombi, që ka një qeveri federale. Shteti i Kolorados.

5. Pjesë e parë ose e dytë e disa emërtimeve. Grusht shteti përpjekje për të rrëzuar shtetin nga brenda. Shtet sovran shtet i pavarur, pa marrëdhënie vartëse ndaj një shteti tjetër. Shtet papal shteti i drejtuar nga papa. Shtet totalitar bashkësi në të cilën pushteti ushtrohet nga një parti e vetme; diktaturë. Shtet i dështuar shtet që nuk është në gjendje të përmbushë misionet thelbësore të caktuara. Shtet anëtar shtet që është pjesë e një organizate (evropiane, ndërkombëtare etj.).

6. vjet. Gjendje. Shtet rrethimi. Shtet lufte.

♦Burrë* shteti libr. që ka përvojë të gjatë në artin e qeverisjes së një shteti.

✱Sin.: komb, vend, dovlet.

SOVRAN

SOVRÁN,~E mb. 1. Që gëzon sovranitet; që ka të bëjë me sovranitetin. Shtet sovran. Të drejtat sovrane. Jemi të lirë e sovranë.
2. Që është i lirë e i pavarur për të ushtruar pushtetin më të lartë pa iu nënshtruar dikujt tjetër. Popull sovran. Sundimtar sovran.
3. Që i përket dikujt me të drejtë dhe me ligj; që qëndron më lart se çdo gjë. Të drejtat sovrane të popullit. Interes sovran i popullit.

SOVRAN

SOVRÁN,~I m. sh. ~Ë, ~ËT Kryetari i një shteti me regjim monarkik, mbreti, mbretëresha ose perandori. Në shtetet moderne demokratike sovran është populli. Në periudhën e feudalizmit, mbretërit ishin të njohur si sovranë të territoreve të tyre dhe kishin autoritet të pakufizuar mbi nënshtetasit e tyre.

VARUNË

VARÚN/Ë,~A f., fet. Një nga perënditë e Rig Vedës; sovran i gjithësisë dhe rojë e ligjit kozmik; në hinduzmin e mëvonshëm njihet si perëndi e ujërave.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë