Fjalori

Rezultate në përkufizime për “sosje”

Mëso si ta përdorësh
<<< Kthehu te kërkimi kryesor në fjalor

BITISJE

BITÍSJ/E,~A f. 1. Veprimi kur bitis diçka; kryerje, përfundim.
2. Prishje, shkatërrim.
✱Sin.: kryerje, përfundim, mbarim, sosje, prishje, shkatërrim, rrënim, shembje, rrafshim, plotësim, përmbushje, mbyllje, përmbyllje.

PËRFUNDIM

PËRFUNDÍM,~I m. sh. ~E, ~ET 1. Veprimi kur përfundoj ose kur përfundohet diçka.
2. Gjendja pasi përfundon a përfundohet diçka. Përfundimi i studimeve (i aplikimeve). Përfundimi i punimeve. Është në përfundim e sipër.
3. Fundi i diçkaje, mbarim, mbyllje. Para përfundimit të mbjelljeve. Në përfundim të kampionatit.
4. Diçka që del ose që arrihet nga mbarimi i një pune dhe nga përpjekjet që bën dikush; rezultat. Kemi arritur përfundime të mira (të kënaqshme). E shqetësuan shumë përfundimet e nxjerra.
5. bised. Nota mesatare e fundit, që vihet kur mbarojnë mësimet, në provimet etj. (në shkolla e kurse). Përfundimet vjetore. Nxjerr përfundimet e nxënësve. Pati përfundime të mira.
6. Mendim përgjithësues që nxirret pasi shqyrtohet e studiohet një çështje ose diçka tjetër, duke u mbështetur në të dhëna të ndryshme; rrjedhim, pasojë. Përfundim logjik. Arriti në një përfundim të drejtë. Nxjerr si përfundim. Si përfundim...
7. mat. Shuma a numri që del nga një veprim matematik, rezultat. Përfundimi i pjesëtimit. Nxjerr përfundimin.
✱Sin.: mbarim, kryerje, mbyllje, përmbyllje, fund, fundje, sosje, rezultat, konkluzion, rrjedhim, rrjedhojë, pasojë, zgjidhje, shkrehje.

SOSJE

SÓSJ/E,~A f. sh. ~E, ~ET bised. 1. Përfundimi i diçkaje; harxhimi, shpenzimi. Sosja e bisedave mes tyre. Sosja e parave (e rezervave). Nuk kanë sosje.
2. Fundi, mbarimi; vdekja. I erdhi sosja. Ishte pranë sosjes.

VAJTJE

VÁJTJ/E,~A f. sh. ~E, ~ET 1. Veprimi kur vete diku. Vajtja dihet, ardhja s'dihet. Biletë për vajtje.
2. Mbërritje në një vend. Vajtja është deri në Tiranë.
3. Të shkuarit te dikush për ta parë, për vizitë. Kemi vajtje e ardhje të shpeshta.
4. Mënyrë si punon a funksionon diçka. Vajtja e makinës që blemë ka shkuar mirë.
✱Sin.: shkuarje, të vajtur, mbërritje, arritje, sosje, pjesëmarrje.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë