Fjalori

Rezultate në përkufizime për “sokëllij”

Mëso si ta përdorësh
<<< Kthehu te kërkimi kryesor në fjalor

BËRTAS

BËRT/ÁS vep., ~ÍTA, ~ÍTUR 1. jokal. Flas a thërras me zë shumë të lartë, them diçka duke thirrur fort, gërthas. Bërtet me zemërim. Bërtet fort. - Mos bërtit, se të dëgjoj!
2. jokal. Lëshoj një zë të fortë, këlthas, klith, çirrem. Bërtiti nga dhembja (nga frika). Bërtiti me të madhe (fort, në kupë të qiellit). Qan e bërtet. Më mirë të bërtasim si macja, se të ulemi si lopa. (fj. u.). Dimri bërtet si fukarai. (fj. u.).
3. kal. E qortoj ose e shaj dikë duke i thirrur, i flas për një gabim a për një faj që ka bërë, shaj, çirrem, shahem (me dikë). I bërtiti kot (rëndë). I bërtet djalit. - Ç’pate që bërtite ashtu?! - Mos i bërtit! I bërtet së bijës, të dëgjojë e reja. (fj. u.).
4. keq., jokal. Flas ose shkruaj shumë për diçka, bëj shumë zhurmë për një çështje, duke u përpjekur me çdo mjet të tërheq vëmendjen ose të arrij një qëllim; çirrem. Bërtet me të madhe. Çirret e bërtet.
5. jokal., vet. v. III Nxjerr tinguj a zë të fortë e të lartë (për kafshët). Dhitë bërtasin e vërrasin. Bërtasin sorrat.
6. jokal. Vajtoj me zë të lartë dikë. Ja ka nisur motra e po bërtet, / Krejt me lot Gjergjin po e loton. (folk.).
✱Sin.: thërras, gërthas, këlthas, klith, çirrem, ulërij, vërras, sokëllij, piskat, gjëmoj, bëzaj, vikat.

PISKAT

PISKÁT (PISKÁS) vep., ~A, ~UR jokal. 1. Lëshoj një thirrje me zë të lartë e të fuqishëm; bërtas, sokëllij. Ç’ka që piskat?
2. vet. v. III Lëshon një zë të mprehtë e si të çjerrë (për kafshët). Piskat qeni (derri).
3. Qëlloj dikë me shpullë, godas.
✱Sin.: bërtas, thërras, ulërij, sokëllij, klith, qëlloj, godas.

SHUKULLIJ

SHUKULLÍ/J vep. ~VA, ~RË jokal. 1. Thërras me zë të lartë; sokëllij. Shukullinte me të madhe.
2. Dridhem nga të ftohtët. Shakullin nga të ftohtit.

SOKËLLAS

SOKËLL/ÁS vep., ~ÍTA, ~ÍTUR jokal. I bërtas dikujt më zë të lartë, sokëllij. Sokëllas me sa zë kam.

THËRRES

THËRR/ÉS (THËRRÁS) vep., ~ÍTA, ~ÍTUR dhe THÍRRA, THÍRRUR kal. 1. I flas dikujt me zë të lartë, zakonisht në emër, që të më përgjigjet, që të më vijë pranë etj.; i bërtas një kafshe me emër a me pasthirrma për ta grahur ose për ta ndjellë. I thirri vajzës (djalit). U thirri shokëve. I thirri fort. U thirri që larg.
2. E qortoj dikë me zë të lartë; e kërcënoj duke i bërtitur, i bërtas, i çirrem. Mjaft i thirre! Ç'i thërret ashtu! I thirra sa u lodha, po s'merr vesh ai.
3. I them dikujt vetë ose e lajmëroj nëpërmjet një tjetri që të vijë tek unë, e kërkoj që të vijë për një punë, për një mbledhje, për një bisedë etj., për stërvitje, e lajmëroj të vijë. E thirri drejtori. Të thërresin në telefon. E thirrën në Institut. E thirrën në stërvitje. E thirri në takim. E thirrën në mbledhje. E thirrën nën armë (në ushtri) e morën ushtar a për të shërbyer në ushtri.
4. Kërkoj prej dikujt të plotësojë një punë të rëndësishme, një detyrë të lartë etj., i bëj thirrje, e grish, jap kushtrimin për diçka. Na thërret atdheu. Na thërret detyra (puna). Thirri për luftë (për kryengritje). Thërret në kushtrim dikë jep kushtrimin për diçka.
5. E ftoj dikë, e grish. E thirrën në gosti (në dasmë). E thirri për drekë (për darkë).
6. E quaj me emër dikë a diçka, i drejtohem me emrin që ka, i vë emër, i them. Më thirr me emër! Si të thërresin?
7. jokal. I jap dikujt një urdhër a i kumtoj diçka me zë të lartë; flas me zë të lartë, bërtas, çirrem. Thirr më fort, se s'dëgjon! Mos thirr aq shumë! Thërret si në pyll. Kur flet, mos thirr! Mbeti gjithë ditën duke thirrur. Iu ngjir zëri duke thirrur.
8. jokal. Brohoras a shpreh me zë të lartë ndjenjat e mia; këndoj a qaj me zë të lartë. Ia thirri këngës (të qarit).
9. jokal. Nxjerr pasthirrma, lëshoj zëra të fortë, këlthas. Thirri nga dhembja (nga frika). Thirri në kupë të qiellit.
✱Sin.: bërtas, çirrem, ulërij, qaj, këlthas, klith, vikas, sokëllij, hingëllij, gërthas.
♦ *Përgjigjet pa e thirrur (dikush) keq. I thërras *arsyes. *Thirri të dëgjojë (dikush) thuhet për dikë që është shumë afër e është duke ardhur shpejt. I thirri *këmbës (dikush). I thërras *mendjes. I thirri *thoit (dikush).*Vetë thërret e vetë dëgjon (dikush).

VIKAT

VIKÁT (VIKÁS) jovep., ~A, ~UR jokal. Bërtas, thërras. Vikati sa mundi vikati fort. Vikati breg më breg vikati prej larg. Vikati e piskati thirri shumë.
✱Sin.: thërras, bërtas, vikas, piskat, sokëllij, ulërij.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë