Fjalori

Rezultate në përkufizime për “sojnik”

Mëso si ta përdorësh
<<< Kthehu te kërkimi kryesor në fjalor

FISNIK

FISNÍK,~EI mb. 1. Që ka veti të larta morale dhe sillet shumë mirë me të tjerët, që është i ndershëm e zemërgjerë; që është tipar i një njeriu me cilësi të larta morale, që shpreh fisnikëri; i fisëm, bujar. Njeri fisnik. Sjellje fisnike. Detyrë fisnike. Qëllime fisnike.
2. hist. Që ka të bëjë me shtresën më të lartë të feudalëve ose feudalo-borgjeze, që lidhet me aristokracinë feudale; që është karakteristik për fisnikët; i fisnikëve. Familje fisnike. Shtresat fisnike.
✱Sin.: i fisëm, bujar, fistar, zemërbujar, shpirtlartë, derëmadh, i sojshëm, sojnik, sojli, esnaf, i fisshëm, aristokrat.

FISNIK

FISNÍK,~U m. sh. ~Ë, ~ËT 1. Ai që ka veti të larta morale, që është i ndershëm a zemërgjerë; bujar. I shprehu mirënjohje fisnikut.
2. hist. Ai që bënte pjesë në shtresën më të lartë të feudalëve; titulli që u jepej njerëzve të kësaj shtrese. Shtresa e fisnikëve. Nga radhët e fisnikëve.
3. euf. Bashkëshorti (emër me të cilin në disa krahina gruaja i drejtohet burrit të vet në prani të të tjerëve). - Ku po shkon, o fisnik?
✱Sin.: i fisëm, bujar, i ndershëm, zemërgjerë, sojli, sojnik, aristokrat, kalorës.

HADHJAR

HADHJÁR,~EII mb., arb. Fisnik.
✱Sin.: fisnik, i fisshëm, bujar, sojnik, aristokrat, shpirtlartë.

SOJLI

SOJL/Í,~ÉSHË mb., bised., vjet. 1. Që i përkiste një familjeje nga shtresa e lartë, që e kishte prejardhjen nga një derë fisnike ose që mbahej për i mirë; që i përket një familjeje të njohur për veti e cilësi të mira. Burrë sojli. Grua sojleshë.
2. Që është nga një racë e mirë (për kafshët shtëpiake). Kalë sojli.
✱Sin.: i fisëm, fisnik, sojnik, i sojshëm.

SOJLI

SOJLÍ,~U m. sh. ~NJ, ~NJTË Njeri që i përkiste një familjeje nga shtresa e lartë, që e kishte prejardhjen nga një derë fisnike; ai që i përket një familjeje të njohur për veti e cilësi të mira. Ishte sojli e nga derë sojlish. Sojliun e pritën me nderime.
✱Sin.: fisnik, sojnik.

SOJNIK

SOJNÍK,~E mb., bised., vjet. Që është i fisëm, sojli; që vjen nga një familje e mirë, i ndershëm. Më sojnik nuk ka. Bijë (grua) sojnike.
✱Sin.: fisnik, bujar, sojli.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë