Fjalori

Rezultate në përkufizime për “sofa”

Mëso si ta përdorësh
<<< Kthehu te kërkimi kryesor në fjalor

NIM

NIM,~I m. sh. ~E, ~ET Shtrat i ulët, prej dërrasash etj., që vihet anës murit dhe që shtrohet me një dyshek të hollë e me mbulesë për të ndenjur; minder. Nim i shtruar. Ulej gjithmonë në nim e thithte çibukun. Nimi ishte i parehatshëm.
✱Sin.: minder, kanape, divan, shaneshin, sofa.

PEZUL

PEZÚL,~I m. sh. ~E, ~ET kryes. bised. 1. Pjesa e poshtme e dritares, që ka një pllakë të gurtë ose prej betoni të vendosur për së gjeri, ku mbështetemi, vëmë lule etj., pragu i dritares. Pezuli i brendshëm (i jashtëm). Pezuli i dritares. Mbështetem në pezul.
2. Sofat, zakonisht jashtë portës së shtëpisë. Ulur në pezulet. Te pezuli i portës.
3. Ana e sipërme e një muri. Qëndronte në pezul të murit.
4. Pjesë e dalë për së gjati si prag në një oxhak. Vinin kandilin në pezul.
5. vjet. Ledh me dhe të grumbulluar si pirg në një vend, që shërbente si kufi midis dy arave a dy tokave. Pezuli i arave.
6. Ledh që bëhet për të ndaluar ujin kur vërshon; ledh ose mur mbështetës që bëhet në një rrëpirë. Pezul dheu. I bëj një pezul. Mbjell pemë anës pezuleve.
7. Grumbull, tog; stivë; pirg. Pezul me misër. Pezul plehrash. E bëjnë grurin pezul. Kishte një pezul me libra.
✱Sin.: prag, sofat, ledh, grumbull, soft, sofa, majë, mesore, kufi, mezhdë, tog, stivë, pirg.

SHANESHIN

SHANESHÍN,~I m. sh. ~Ë, ~ËT 1. Një lloj divani prej dërrasash, i shtruar me shtresa të ndryshme, kanape, nim; shtresa që hidhet mbi këtë kanape. Shaneshini ishte mbuluar me pëlhurë të hollë. U rehatua në shaneshin. Sapo kishte rregulluar shaneshinin.
2. Kthina e mesit në katin e poshtëm të një shtëpie dykatëshe, që zakonisht është e shtruar me pllaka dhe që ka një nim anash. Shaneshini nuk kishte dritë të mjaftueshme. Pastroi shaneshinin. Fëmija ishte fshehur në shaneshin.
3. Çardak i jashtëm në shtëpitë e disa krahinave, i rrethuar me parmakë dërrasash; mesore, shtrak. Shaneshini ishte mbushur me njerëz. Miqve u shtroi për të ngrënë në shaneshin. Zhurma vinte prej shaneshinit.
4. Pjesë e dalë në muret e një kulle që ka frëngji dhe që shërbente për të vëzhguar e për t'u mbrojtur; sharapoll, sheshen. Kullë me shaneshinë. U lagën edhe nën shaneshin. Vëzhgonte prej shaneshinit.
✱Sin.: kanape, nim, divan, sofa, minder, pope.

SOFA

SOFÁ,~JA f. sh. ~, ~TË Lloj minderi i ulët e i gjatë, me shtrojë të butë dhe me shpinëz për t’u mbështetur, nim i shtruar me minder. Rri në sofa. U afrua te sofaja. I kishin sjellë të gjitha sofatë.
✱Sin.: minder, nim, kanape, sofat.

SOFAT

SOFÁT,~I m. sh. ~E, ~ET 1. Vend për të ndenjur përpara portës së shtëpisë, i bërë zakonisht prej gurësh të mëdhenj katërkëndësh të vendosur rrëzë murit në rrugët e ngushta të qytetit ose në fshatra. Sofat i gurtë. Guri i sofatit. Rrinin në sofate. U ul në sofatin e portës.
2. Vend i ngritur si prag për të vënë diçka ose për ndonjë qëllim tjetër. Sofati i qilarit të bulmetit. Sofat rreth trungut të një rrapi.
3. Sofa. Dhomë me sofat.
✱Sin.: soft, pezul, minder, prag.

SOFË

SÓF/Ë,~A f. sh. ~A, ~AT Parcelë me ullinj. Kishte dalë në sofë për të parë pemët. U mblodhën në sofa që të vilnin ullinjtë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë