Fjalori

Rezultate në përkufizime për “snajper”

Mëso si ta përdorësh
<<< Kthehu te kërkimi kryesor në fjalor

PUSHKATAR

PUSHKATÁR,~I m. sh. ~Ë, ~ËT 1. Ai që shtie mirë me pushkë, mjeshtër për të qëlluar me pushkë. Shtëpi pushkatarësh.
2. usht. Luftëtar, zakonisht këmbësor, i armatosur me pushkë. Pushkatarë të zgjedhur. Batalion (kompani) pushkatarësh. Grup pushkatarësh.
✱Sin.: dyfektar, dyfekmbajtës, qitës, sydrejtë, shenjëtar, snajper, nishanxhi, ushtar.

SHEJAK

SHEJÁK,~U m. sh. ~Ë, ~ËT Ai që ka shenjë kur gjuan me armë, shenjëtar; qitës. Shejak i zoti. Shejaku vrau dy rosa me një gjuajtje. Ishte shejaku më i mirë i skuadrës së tij.
✱Sin.: shenjëtar, gjuetar, qitës, nishanli, sytar, sydrejtë, snajper, vrastar, pushkatar.

SHENJËTAR

SHENJËTÁR,~I m. sh. ~Ë, ~ËT 1. Ai që qëllon mirë në shenjë, qitës. Shenjëtar i mirë (i dëgjuar). Shenjëtar i zoti. Shenjëtar i mbaruar (i zoti).
2. Ai që di të prekë dikë aty ku duhet; prekatar, i kujdesshëm. Plak shenjëtar.
3. Ai që cek thelbin e një problemi; njeri që godet në shenjë kur flet. Mbahej për njeri shenjëtar.
4. Ai që di të kuvendojë, kuvendar. Shenjëtar me nam. Meqë fliste bukur, e mbanin si shenjëtar.
5. si mb. Që qëllon mirë në shenjë. Djalë shenjëtar.
✱Sin.: qitës, shenjëtar, snajper, pushkatar, dyfekçi, nishanxhi, prekatar, kuvendar, i kujdesshëm, i vëmendshëm.

SNAJPER

SNAJPÉR,~I m. sh. ~Ë, ~ËT Qitës i aftë që shtie me përpikëri të madhe, zakonisht me një pushkë me dylbi. Snajper i mirë (i shkëlqyer). Stërvitja e snajperëve.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë