Fjalori

Rezultate në përkufizime për “smirak”

Mëso si ta përdorësh
<<< Kthehu te kërkimi kryesor në fjalor

ARMIQËSOR

ARMIQËSÓR,~E mb. 1. Që bëhet nga një armik me qëllime të këqija e për të sjellë dëme, që shpreh synimet e armikut e u shërben atyre, prej armiku, që krijon mosmarrëveshje, tendosje ose konflikt me dikë; kund. miqësor. Punë (veprimtari) armiqësore. Veprim (akt) armiqësor. Politikë (propagandë) armiqësore. Qëndrim armiqësor. Qëllime armiqësore. Projekt armiqësor.
2. Që shpreh armiqësi, që është plot urrejtje e keqdashje; kund. miqësor. Pritje (sjellje) armiqësore. Shprehje (shfaqje) armiqësore. Vështrim armiqësor. Mjedis armiqësor. Gazetë armiqësore.
✱Sin.: i armiqësuar, i hasmuar, hasmëror, keqdashës, dashakeqës, dashaligës, urrejtës, urryes, i urryer, smirëzi, smirëkeq, smiror, smirak, resëtar, inatçi.

ARMIQËSUAR

ARMIQËSÚAR (i, e) mb. Që ka hyrë në armiqësi me dikë, që i ka prishur marrëdhëniet me dikë, që është zënë me dikë. Fise (familje) të armiqësuara. Mbetën të armiqësuar. Njerëz të armiqësuar së koti.
✱Sin.: armiqësor, i hasmuar, i mëritur, i urryer, keqdashës, dashakeqës, dashaligës, urrejtës, smirëzi, smirëkeq, smiror, smirak, resëtar, inatçi, zemërak.

HASETÇI

HASETÇÍ,~U m. sh. ~NJ, ~NJTË bised. Njeri që ka smirë; që ka haset; njeri xheloz e ziliqar. Le të pëlcasin hasetçinjtë.
✱Sin.: smirëzi, resëtar, ziliqar, hasetqar, hasetmadh, smirak, smirëzi.

SMIRAK

SMIRÁK,~E mb. Që është smirëzi, ziliqar. Njeri më smirak nuk kisha parë asnjëherë. Kishte shpirt smiraku, prandaj nuk i qeshte buza kurrë.

SMIRAK

SMIRÁK,~U m. sh. ~Ë, ~ ËT Ai që ka inat mirëqenien e të tjerëve; ziliqar. Smiraku shpirtvogël erdhi të shtirej përsëri. Kishte mbetur gjithë jetën një smirak i mjerë.
✱Sin.: smirëzi, resëtar.

SMIRËZI

SMIRË/ZÍ,~ZÉZË mb. Që ua ka smirë të tjerëve, që ndien smirë; që shpreh smirë. Njeri smirëzi. Shikim (vështrim) smirëzi.
✱Sin.: resëtar, smirak, smiror, sykeq, shpirtlig, shpirtkeq, shpirtlig, zemërkeq, zemërngushtë, zemërzi, ziliqar.

SMIRËZI

SMIRËZÍ,~U m. sh. ~NJ, ~NJTË Njeri që ua ka smirë të tjerëve, që ndien smirë, që shpreh smirë. Shpifjet e smirëzinjve. Vështrimet e smirëzinjve nuk e preknin më.
✱Sin.: resëtar, smirak, smiror, sykeq, shpirtlig, shpirtkeq, shpirtlig, zemërkeq, zemërngushtë, zemërzi, ziliqar.

ZILIQAR

ZILIQÁR,~E mb. Që i ka zili të tjerët, që ndien zili për të tjerët; që shpreh zili; smirëzi, që e ka maçokun në bark. Njeri ziliqar. Vështrim ziliqar. Sy ziliqarë. Fqinjë ziliqarë. Krijues ziliqarë. Gjuhët e liga ziliqare. Hakmarrje ziliqare. - Mos u bëj ziliqar! Ngandonjëherë bëhem ziliqare. Fallxhorja sykeqe e ziliqare, nga zilia ia mblodhi gjithë të ligat e dheut dhe ia hodhi përsipër. (folk.).
✱Sin.: smirëzi, smirëkeq, smiror, smirak, zilar, resëkeq, resëtar, resëzi, lakmitar, hasetmadh, hasetçi.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë