Fjalori

Rezultate në përkufizime për “skurrjel”

Mëso si ta përdorësh
<<< Kthehu te kërkimi kryesor në fjalor

CURRIL

CURRÍL,~I m. sh. ~A, ~AT 1. Fill uji ose i një lëngu tjetër që rrjedh a del me forcë. Curril uji. Curril qumështi. Curril gjaku. Curril nafte. Shi me currila. Rrjedh me curril. Currilat e rakisë (e verës).
2. fig. Varg i gjatë dhe i pandërprerë (fjalësh, të qeshura etj.) Currilat e fjalëve nuk pushonin.
3. si ndajf. Duke rrjedhur çurg, në trajtë currili.
✱Sin.: çurg, currunar, bisk, fiskajë, pizgë, flashkë, vrushkull, gulfë, cirkatë, cikërr, çikërr, skurrjel.

SKURRJEL

SKURRJÉL ndajf., bised. Si curril, duke rrjedhur shumë; çurg. I shkuan jargët skurrjel. I binte djersa skurrjel.

VRUSHKULL

VRÚSHKU/LL,~LLI m. sh. ~J, ~JT [VRÚSHKULL,~A f. sh. ~A, ~AT] 1. Fshikull, vishkull, dru i njomë, i hollë e i gjatë, njëvjeçar. Ishte një pyll i ri me vrushkuj. Vrushkujt e pyllit. Vrushkull i njomë. I ra me vrushkull.
2. Curril i hollë (uji, gjaku etj.). Vrushkujt e ujit (qumështit). Vrushkujt e parë të kulloshtrës. Vrushkull gjaku. Vrushkull lotësh.
3. fig. Djalë me trup të bukur, të hollë e të drejtë. Ky vrushkull nuk është mësuar me punë. Është ende i njomë ai vrushkull.
✱Sin.: fshikull, thupër, shufër; curril, rrëke, çurgë, gulfë, pizgë, rigë, skurrjel, xhuvamë.

VRUSHKULL

VRÚSHKULL ndajf. Si curril, si rrëke; duke rrjedhur shumë e me shpejtësi; çurg. I rridhnin lotët vrushkull. Derdhej vrushkull. Shkon (rrjedh) vrushkull. I shkonte gjaku vrushtull. Kroi rridhte vrushkull. Shiu binte vrushkull. I shkonin djersët vrushkull.
✱Sin.: curril, rrëke, skurrjel.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë