Fjalori

Rezultate në përkufizime për “skllup”

Mëso si ta përdorësh
<<< Kthehu te kërkimi kryesor në fjalor

GLLABËROJ

GLLABËR/ÓJ vep., ~ÓVA, ~ÚAR kal. 1. Ha diçka menjëherë e me uri; përpij, përlaj. Gllabëroi gjithë ushqimin prej urisë së madhe. I gllabëroi të gjitha.
2. Rrëmbej; pushtoj me dhunë një vend etj. Ia gllabëroi pasurinë (paratë). Imperialistët përpiqen t'i gllabërojnë vendet e vogla.
3. vet. v. III, bised. Përmbyt; mbulon. Lumi gllabëroi xhadenë. I gllabëroi errësira.
4. fig. Shoh me lakmi të madhe dikë a diçka, i hedh një vështrim të shpejtë e plot me dëshirim, e përpij. E gllabëroi me sy.
5. fig. (zakon. me një trajtë të shkurtër të përemrit vetor në r. kallëzore) Më rrëmben me gjithë forcën diçka, më tërheq shumë, më bën për vete, më pushton tërësisht. E gllabëroi muzika (filmi, libri).
✱Sin.: përpij, përlaj, shpëlaj, gëlltis, llup, llufis, faroj, faros, kapërdij, skllup, thith, përfshij, fshij, rruaj, rrufis, rrumbulloj, rrushkulloj, kollofis, rrëmbej, kllapis, qëroj, copis, pushtoj, tërheq.

LLUP

LLUPI vep., ~A, ~UR bised., kal. 1. Ha shumë dhe e kapërdij ushqimin menjëherë; e ha një ushqim të gjithin e shpejt e shpejt. E llup gjellën. E llupi të tërë mishin (byrekun). E llupi menjëherë (përnjëherë).
2. fig. Rrëmbej, zhvat diçka me shumicë e menjëherë. Di vetëm të llupë.
✱Sin.: përlaj, zhvat, kollofit, llap, llufit, llapit, llapoj, skllup, copit.

SKLLUP

SKLLÚP vep., ~A, ~UR kal. 1. E kaloj poshtë një ushqim si i uritur e pa e përtypur mirë, gëlltit pa e përtypur. I skllupi të dyja pjatat me shpejtësi. Aq i uritur ishte sa skllupi edhe pjatën e motrës.
2. Ha si i babëzitur; ha, pi me ngut; përlaj, kollofit. Mos e skllup ashtu ushqimin se dukesh keq! Skllupi ça i doli përpara. Nuk la gjë pa skllupur në tavolinë.

TORROFIT

TORROFÍT (TORROFÍS) vep., ~A, ~UR bised., kal. Kollofit, përlaj (një ushqim), llufit, llup. E torrofiti mishin (dardhën).
✱Sin.: ha, skllup, kollofit, përlaj, llup, llufit.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë