Fjalori

Rezultate në përkufizime për “skllavërues”

Mëso si ta përdorësh
<<< Kthehu te kërkimi kryesor në fjalor

NËNSHTRUES

NËNSHTRÚES,~E mb. Që vë dikë nën pushtetin a nën varësinë e vet; që vë përposh a përul dikë. Fuqi nënshtruese. Politikë nënshtruese.
✱Sin.: robërues, shtypës, sundues, skllavërues, përulës.

PUSHTUES

PUSHTÚES,~E mb. 1. Që pushton tokat e një vendi tjetër. Shtet (vend) pushtues. Ushtritë (forcat) pushtuese. Specie pushtuese (biol.) specie joindigjene që shkojnë për ushqim apo për shumim në vendet ku jetojnë specie të tjera, duke ndryshuar strukturën e komunitetit të këtyre specieve dhe duke i çuar potencialisht ato në zhdukje.
2. Që mban me dhunë në gjendje pushtimi një vend tjetër.
✱Sin.: okupator, zaptues, shkelës, gllabërues, ndërhyrës, skllavërues, armik, dushman.

ROBËRUES

ROBËRÚES,~E mb. 1. Që synon të robërojë një tjetër; që e vë nën zgjedhë dikë, që e kthen në rob. Luftë robëruese. Politikë robëruese.
2. Që është krejt në dëm të njërës palë, që përmban kushte të rënda për njërën anë. Marrëveshje robëruese. Kushte robëruese.
3. fig. Që të bën për vete, që të magjeps. Vështrim robërues.
✱Sin.: skllavërues, skllavërues, magjepsës.

SKLLAVËRUES

SKLLAVËRÚES,~E mb. Që e vë dikë në gjendjen e një skllavi, që i heq çdo liri e pavarësi, që e nënshtron dikë si skllav; robërues; magjepsës. Ishte një sistem skllavërues. Firmosën një traktat skllavërues. Hartuan politika skllavëruese. Kishte një shikim skllavërues.

TIRANIK

TIRANÍK,~E mb. Që mbështetet në tiraninë, që vepron me tirani; që është karakteristik për tiranin, prej tirani; që vepron e sillet si tiran; despotik. Regjim (sundim) tiranik. Zgjedhë tiranike. Sjellje (veprime) tiranike.
✱Sin.: diktatorial, autokratik, despotik, shtypës, absolut, arbitrar, mizor, skllavërues, robërues.

VASALIZUES

VASALIZÚES,~E mb. Që vasalizon, që e vë nën sundimin a nën varësinë e vet. Shtet vasalizues. Fuqi vasalizuese.
✱Sin.: nënshtrues, robërues, shtypës, skllavërues.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë