Fjalori

Rezultate në përkufizime për “skizmë”

Mëso si ta përdorësh
<<< Kthehu te kërkimi kryesor në fjalor

PËRÇARJE

PËRÇÁRJ/E,~A f. sh. ~E, ~ET 1. Veprimi kur përçaj ose kur përçahem.
2. Gjendja pasi përçaj a pasi përçahem. Përçarje e thellë.
3. Mosmarrëveshje, grindje që zakonisht fut dikush në mes të dy a më shumë njerëzve a palëve. Përçarje fetare (etnike).
4. Prishje e njësisë së mendimit e të veprimit në një organizatë etj. për shkak të mosmarrëveshjeve të thella e parimore.
5. fet. Ndarje e një kishe në dy pjesë për shkak të mosmarrëveshjeve rreth dogmave e riteve fetare; skizmë.
✱Sin.: ndarje, çarje, ndasi, çartë, e çarë, mosmarrëveshje, ngatërresë, pykë, përrlë, sherr, skizmë, grindje.

SEPARATIZËM

SEPARATÍZ/ËM,~MI m. 1. pol. Përpjekje për t'u shkëputur nga një tërësi a bashkësi e organizuar politike, ekonomike etj.; rrymë dhe lëvizje e një grupi popullsie me tipare kombëtare të veçanta me synim për t'u shkëputur dhe për të fituar vetëqeverisjen ose pavarësinë nga një shtet ose nga një federatë ku bën pjesë. Shfaqje të separatizmit. Reaguan ndaj separatizmit. Duke parë rrezikun e një separatizmi.
2. fet. Skizmë. Skizmat kishtare. Ndryshimet u shfaqen para skizmës.
✱Sin.: përçarje, ndarje, çarje, ndasi.

SKIZMË

SKÍZM/Ë,~A f. sh. ~A, ~AT 1. fet. Ndarja e një kishe në dy pjesë për shkak të mosmarrëveshjeve rreth dogmave e riteve fetare, si dhe të arsyeve politike të fshehura prapa tyre; përçarje e një kishe. Skizma e madhe e Kishës së Lindjes.
2. fig. Përçarje brenda një partie politike për shkak mosmarrëveshjesh të thella e parimore. Situata e vështirë çoi në një skizmë të grupimeve.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë