Fjalori

Rezultate në përkufizime për “skarë”

Mëso si ta përdorësh
<<< Kthehu te kërkimi kryesor në fjalor

BIFTEK

BIFTÉK,~U m. sh. ~Ë, ~ËT gjell. Thelë mishi nga brinjët e viçit a të kaut, që piqet në skarë ose në furrë. Biftek i skarës (i furrës). Biftek viçi. Biftekë të mbushur.

FUFULE

FUFÚL/E,~JA f. sh. ~E, ~ET Furnelë e vogël me skarë, që punon me qymyr druri dhe që ndizet duke i fryrë nga poshtë. Gatuante me fufule. Mori fufule të re.

HAMBURGER

HAMBÚRGER,~I m. sh. ~A, ~AT gjell. 1. Lloj ushqimi i përbërë nga një simite e rrumbullakët në mes të të cilave vihet një qofte me mish, patate të skuqura, djathë e perime sipas dëshirës.
2. Qofte petashuqe zakonisht në formë të rrumbullakët me mish, zakonisht prej viçi, e gatuar në skarë ose në tigan, e cila shpesh shërbehet me salca të ndryshme, mustardë, perime ose me një vezë të skuqur të vendosur sipër.

KUKUREC

KUKURÉC,~I m. sh. ~Ë, ~ËT gjell. Lloj qofte a zorrë e mbushur me mish ose me mëlçi qengji, keci etj., e cila merr trajtën e një salsiçeje a llukaniku që hahet e pjekur në skarë; kordhëz. Bëj (pjek, ha) kukurec.

KËRNACKË

KËRNÁCK/Ë,~A f. sh. ~A, ~AT gjell. Qofte e vogël gjatoshe në trajtë kremviçi, që hahet e pjekur në skarë. Bleva (hëngra) dy kërnacka.

PJATAKULLUESE

PJATAKULLÚES/E,~JA f. sh. ~E, ~ET Mbajtëse e posaçme ku vihen pjatat e lara për t’u kulluar uji; skarë pjatash. Pjatakulluese metalike (plastike).

QEBAP

QEBÁP,~II m. sh. ~Ë, ~ËT gjell. Copëra të vogla mishi të pjekura në hell të hollë; mish i grirë i skuqur me qepë, me pak oriz e me erëza, që mbështillet me rizë dhjami dhe piqet në furrë; qofte të gjata me mish të grirë, të pjekura në skarë. Qebapë të pjekur në skarë. Qebap me sallatë. Qebap me kaçka gjellë me arra. Qebap me mish. Qebap me vezë. Grij mish për qebap. Poqi ca qebapë.

RRESHKATORE

RRESHKATÓR/E,~JA f. sh. ~E, ~ET 1. Rrjetë teli për të thekur bukën etj.; skarë. Kishte vënë bukën në rreshkatore.
2. Rreshkë. Rreshkatore buke.
✱Sin.: skarë, rreshkë.

SHISHQEBAP

SHISHQEBÁP,~I m. sh. ~Ë, ~ËT gjell. Copa mishi të shkuara në hell dhe të pjekura në skarë. Shishqebap pule (viçi, qengji, gici). Shishqebapë të çastit. Shkop druri për shishqebap.

SKARË

SKÁR/Ë,~A f. sh. ~A, ~AT 1. Mjet kuzhine i përbërë nga disa shufra të holla hekuri, mbi të cilat piqet në prush mish a peshk ose theket buka. Qofte të skarës. Pjek (thek) në skarë.
2. Shufra hekuri ose pllaka me të çara për së gjati, mbi të cilat digjen drutë a qymyri në një furrë. Skara e furrës. I ndërroi skarën.
3. Përdorëse prej shufrash metalike, që i vihet prapa biçikletës për të mbajtur sende të vogla. E vuri në skarë. I mbante skara e biçikletës ato që kishte blerë.
4. Rrjetë e trashë prej shufrash metalike që vihet për të ndaluar kalimin e gjërave të ndryshme të njëfarë madhësie nga një vend në një tjetër më poshtë. Punëtorët montuan një skarë për të penguar rënien e materialeve.

SUXHUK

SUXHÚK,~U m. sh. ~Ë, ~ËT gjell. 1. Zorrë bagëtish të imëta të mbushura me mish të grirë, me mëlçi të grira e me erëza dhe të ndara në copa të vogla që hahen zakonisht të pjekura ose të skuqura, kole. Suxhuk i tymosur. Poqi një suxhuk në skarë. Bënë suxhukë për dimër. Skuqi suxhuk me vezë për mëngjes.
2. Llokum në trajtë të rrumbullakët e i mbushur me arra. Blej një suxhuk. Kishin marrë me vete dhe suxhukë.
✱Sin.: llukanik, kolloface, kole, kurmagjak.

VEZHËL

VÉZH/ËL,~LAI f. sh. ~LA, ~LAT 1. Peshk skare (mish peshku në skarë). Peshk vezhle.
2. Skarë mbi të cilën piqet në prush mish ose peshk. E poqi peshkun mbi prush në vezhël.

ÇIKMAN

ÇIKMÁN,~I m. sh. ~Ë, ~ËT 1. Skarë e vatrës së oxhakut. Pluhuri i veglave të çikmanit.
2. Dollap i madh. Rrobat në çikman. Aroma që vinte nga çikmani.
✱Sin.: skarë, dollap.

ÇNGJYROHET

►ÇNGJYR/ÓHET jovep., ~ÚA (u), ~ÚAR 1. vetv., vet. v. III I zbehet ngjyra diçkaje, e humbet ngjyrën; zbardhet; kund. ngjyrohet. Çngjyrohen rrobat. Çngjyrohet në diell. Boja reaktive çngjyrohet. Nuk do të çngjyrohet gjatë pjekjes në skarë
2. pës. e ÇNGJYRÓJ. Çngjyrohen stofrat. Vështirë se çngjyrohet nën rrezatim ultravjollcë.
✱ Sin.: çngjyroset, zbardhet, zbehet.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë