Fjalori

Rezultate në përkufizime për “skërfitur”

Mëso si ta përdorësh
<<< Kthehu te kërkimi kryesor në fjalor

CIFLUAR

CIFLÚAR (i, e) mb. Që është i cifluar, që është cifluar. Filxhan i cifluar. Dru i cifluar.
✱Sin.: i ciflosur, i leskëruar, i skërfitur.

GËRVISHTUR

GËRVÍSHTUR (i, e) mb. 1. Që është çjerrë me diçka të fortë e me majë; që ka shenja të gërvishtjeve, që është gërvishtur. Lëkurë e gërvishtur. Fytyrë e gërvishtur. Mur i gërvishtur. Fotografi e gërvishtur. Enë e gërvishtur.
2. fig. Që del si i çjerrë dhe si i ngjirur (për zërin). Zë i gërvishtur.
✱Sin.: i çjerrë, i çukitur, i fshikur, i lënurur, i skërfitur, i zhvoshkur, i skërmitur, i dërrmishur, i gërricur, i gërdhucur, i ngjirur.

LESKËRUAR

LESKËRÚAR (i, e) mb. 1. Që është leskëruar, që është bërë leskra-leskra. Me lëkurë (me fytyrë) të leskëruar. Mur (tavan) i leskëruar.
2. Që i janë grisur shumë rrobat (për dikë); që i janë bërë copë-copë (për rrobat).
✱Sin.: i skërfitur, i zhvoshkur, i shkëlfitur, i cifluar, rrobagrisur, rrobashqyer.

SKËRFIT

SKËRFÍT vep., ~A, ~UR kal. 1. I heq diçkaje copa-copa cipën a pjesën e sipërme që e mbulon si kore; gërvisht. Skërfit enën. Skërfiti murin. Skërfiste plagën.
2. Punoj fare cekët tokën, sa i prish koren. Sa e ka skërfitur arën.
3. fig. Lëndoj, prek. Ia skërfiti zemrën.
4. fig. Zgurdulloj (sytë). Skërfiti sytë.
✱Sin.: cifloj, çjerr.

SKËRFITUR

SKËRFÍTUR (i, e) mb. 1. Që është i skërfitur; i ciflosur; i leskëruar. Muri i skërfitur po binte pjesë-pjesë.
2. Që është punuar fare cekët. Toka e skërfitur dukej si e papunuar.
3. fig. I lënduar; i prekur në zemër. Sedra e tij e skërfitur ishte e vështirë të zbutej.
4. fig. I zgurdulluar. E pa me sy të skërfitur.

TENXHERE

TENXHÉR/E,~JA f. sh. ~E, ~ET Enë metali pa dorezë (varëse), me kapak, që shërben për të zier gjellë, për të nxehur ujë e lëngje të tjera; gjella a diçka tjetër që është në këtë enë; gjellë, ujë, qumësht etj. sa nxë kjo enë. Tenxhere e sheshtë (e thellë). Tenxhere bakri (alumini). Tenxhere me (pa) veshë (rrëfana). Tenxhere e skërfitur (e gërvishtur). Tenxhere e emaluar. Tenxhere e kallajisur. U këput njëri vesh i tenxheres. Tenxhere me presion enë e tillë me kapak të puthitur plotësisht, në të cilën gjella zien më shpejt për shkak të shtypjes që krijon avulli. Kapaku (fundi) i tenxheres. Hëngrën një tenxhere me gjellë (me fasule, me jahni). Vuri tenxheren në zjarr. Hoqi tenxheren nga zjarri. Macja e botës të vjen në shtëpi për të përmbysur tenxheret. (fj. u.).
♦ Gjeti tenxherja *kapakun keq. E ka në tenxhere (dikë) bised. e ka bërë për vete plotësisht dikë, mund të bëjë çdo gjë me të, e zotëron plotësisht; e ka në xhep. *Misër në thes e tenxheret bosh (dikush) iron. U rrokullis tenxherja e gjeti kapakun keq. shih gjeti tenxherja kapakun keq. Shan tenxherja kusinë iron. thuhet për dikë që tall të tjerët dhe nuk sheh veten; tall i talluri, qesh i qeshuri; qesh hunda buzën iron.; qesh kungulli lagjinë tall. Vlojnë në një tenxhere keq. kanë mendime e qëllime të këqija të njëjta, veprojnë e bashkëpunojnë ngushtë; i përshtaten njëri-tjetrit (zakonisht për keq); janë të një sahani keq.; janë të një dore; ndërrojnë këmborët (me njëri-tjetrin).

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë