Fjalori

Rezultate në përkufizime për “sixhim”

Mëso si ta përdorësh
<<< Kthehu te kërkimi kryesor në fjalor

ARGJALE

ARGJÁL/E,~JA f. sh. ~E, ~ET vjet. Dy copa cohë të lidhura me spango ose sixhim, që përdoren për të kapur enët e gatimit kur i heqim nga zjarri. Merre tavën me argjale.
✱Sin.: rub, qusë, arnë.

AVERMË

AVÉRM/Ë,~A f. sh. ~A, ~AT krahin. Gjalmë, zakonisht prej lëkure, që përdoret për të qepur ose për të lidhur opingat. Dredh avermën. Qep me avermë. Avermë e trashë. Avermë e dredhur. Opinga me averma.
✱Sin.: gjalmë, dredhë, retër, spango, sixhim.

GJALMË

GJÁLM/Ë,~I m. sh. ~A, ~AT Fill i trashë prej leshi të dredhur ose rrip i hollë lëkure që përdoret për të lidhur diçka; lidhëse. Gjalmi i çorapit. Lidh me gjalmë. U këput gjalmi. Shtrëngoj gjalmat.
✱Sin.: lidhëse, dizgë, ndortë, sixhim, tojë, pe, fije.
♦ U bë gjalmë. 1. (dikush) shih u bë gisht (dikush). 2. (diçka) shih u bë tërkuzë. I bëhem gjalmë (dikujt) i qepem e nuk i ndahem; i bëhem rrodhe. E bëri gjalmë opingash (dikë) mospërf. shih e ka bërë fshesë (dikë) mospërf. E kam gjalmë nëpër këmbë (dikë a diçka) shih e kam ferrë nëpër këmbë (për qafe) (dikë a diçka). Lidh këmbët me gjalmat e mi ngatërrohem vetë me një punë pa qenë e nevojshme; e fut veten në telashe kot. E mori gjalmin e kacekut (e thesit) (dikush) përbuz. vdiq; shkoi me të shumtët; e hëngri çairin. Ia mblodhi gjalmat (dikujt) shih ia mblodhi (ia shtrëngoi) rripat (rripin) (dikujt).

MAHCË

MÁHC/Ë,~A f. sh. ~A, ~AT Lidhëse, sythet e së cilës lidhen fillimisht kundruall opingës e pastaj në kyçin e këmbës; gjalmë, sixhim.

SIXHIM

SIXHÍM,~I m. sh. ~A, ~AT Spango e trashë, gjalmë. Mallrat i kishin lidhur me sixhim. Po nderte rrobat në disa sixhima.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë