Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
ANALITIKÍSHT ndajf. Në mënyrë analitike. Raporti është hartuar analitikisht. Situata u shqyrtua analitikisht. Të dhënat u trajtuan analitikisht. Ai mendon analitikisht.
✱Sin.: analizueshëm, hollësisht, detajisht, saktësisht, përpikërisht, sistematikisht.
METÓD/Ë,~A f. sh. ~A, ~AT 1. Parime e rregulla praktike që shërbejnë si mjet a si rrugë për t’ia arritur një qëllimi të caktuar; mënyrë veprimi. Përdori një metodë të thjeshtë për të rregulluar sobën. Përdori metodën e bindjes (të detyrimit). E njohim këtë metodë. Është metodë e re (e vjetër). Metoda e drejtimit (e komandimit, e kontrollit).
2. Sistem parimesh, kriteresh e rregullash të caktuara, që zbatohen sistematikisht për të kryer diçka në një fushë të dijes shkencore a shoqërore; metodologji. Metodë e përparuar (e mirë, e keqe, e gabuar). Metodë shkencore. Metodë matematike. Metoda zinxhir. Metodat e mësimit (e edukimit, e studimit). Përmirësimi (përvetësimi) i metodës. Punon me (pa) metodë.
3. Mënyrat e mjetet që përdoren për të studiuar a për të shpjeguar diçka. Metoda krahasuese. Metoda analitike (sintetike). Metoda eksperimentale.
4. filoz. Parimet teorike themelore që ndihmojnë për të njohur realitetin dhe të kuptuarit që kemi ne për të. Metoda dialektike. Metoda metafizike.
5. Libër që përmban bazat e një shkence, të një arti etj., të shtjelluara në mënyrë sistematike e sipas një rendi të caktuar për t’i kuptuar e për t’i zotëruar sa më shpejt. Metoda e parë për mësimin e gjuhës shqipe. Metoda e violinës (e pianos). Metodë për mësimin e gjuhës angleze. Metoda globale (ped., vjet.) shih te GLOBÁL.
✱Sin.: mënyrë, metodikë, metodologji.
MONITOR/ÓJ vep., ~ÓVA, ~ÚAR kal. Vëzhgoj dhe kontrolloj sistematikisht përparimin, cilësinë e diçkaje ose shëndetin e dikujt gjatë një periudhe të caktuar kohe. Aparat që monitoron frymëmarrjen. Monitoroj një proces.
PAUSHÁLL ndajf. Në mënyrë rastësore, rastësisht; jo rregullisht; kund. sistematikisht. Planifikonin paushall.
PAUSHÁLL,~E mb. Që bëhet rastësisht, rastësor, i rastit; që nuk bëhet sistematikisht, i parregullt. Tatim paushall. Deklarim paushall. Faturimi paushall i ujit nga kompanitë furnizuese mbetet ende problem për konsumatorët.
SISTEMATIKÍSHT ndajf. 1. Sipas një sistemi, në një rend të caktuar. Janë renditur (vendosur) sistematikisht.
2. Në mënyrë sistematike, sipas një plani dhe rregulli të caktuar; në mënyrë të njëjtë, të vetëdijshme dhe vazhdimisht; në mënyrë të organizuar e rregullisht. Punojnë (studiojnë) sistematikisht. Vazhdon shkollën sistematikisht. E ka kundërshtuar sistematikisht.
SKEMATIKÍSHT ndajf. Në mënyrë skematike. Vente sistematikisht në atë punë. Përsëriste sistematikisht të njëjtat veprime.
VAZHDIMÍSHT ndajf. Në mënyrë të vijueshme, pa ndërprerje, pareshtur, vijimisht; gjithnjë, gjithmonë, duke u përsëritur dendur me ndërprerje të shkurtra, shpesh. Punon (mëson) vazhdimisht. Rritet (ulet) vazhdimisht. Përparon vazhdimisht. Është në lëvizje vazhdimisht. E kontrollon vazhdimisht. Përsëritet vazhdimisht.
✱Sin.: paprerë, rregullisht, sistematikisht, pareshtur, gjithnjë, gjithmonë.
VËZHG/ÓJ vep., ~ÓVA, ~ÚAR kal. 1. E ndjek me sy dikë a diçka, e vështroj me vëmendje që ta njoh mirë; përgjoj veprimet e dikujt, gjurmoj lëvizjet e tij, e ruaj nga vete a çfarë bën; hetoj. Vëzhgonin lëvizjet e armikut. E vëzhgonte nga një vend i fshehtë. E vëzhgonte nga larg me dylbi.
2. Ndjek diçka me sy për qëllime studimi a kërkimi shkencor, vështroj dikë a diçka për ta studiuar; ndjek sistematikisht zhvillimin e një dukurie dhe mbaj shënimet e duhura; studioj. Vëzhgojnë tërmetet. Vëzhgon ndryshimet e klimës në një krahinë. Vëzhgoj përdorimin e fjalëve të reja (zhvillimin e gjuhës standarde, dukuritë dialektore). Vëzhgoj fjalët e huaja (barbarizmat).
3. Ndjek vazhdimisht si kryhet një punë a një detyrë, si zbatohen rregullat etj.; kujdesem për dikë a për diçka; ndjek. Vëzhgoj ecurinë e punës. Vëzhgoj të sëmurin. Vëzhgoj zbatimin e rregullave.
✱Sin.: vrojtoj, vërej, këqyr, mbikëqyr, përgjoj, ruaj, hetoj, studioj, hulumtoj, gjurmoj.
VËZHGÚAR (i, e) mb. 1. Që është nën vëzhgim dikush a diçka; i gjurmuar; i mbikëqyrur. Vend (njeri) i vëzhguar. Lëvizje të vëzhguara. Person i vëzhguar.
2. Që është ndjekur sistematikisht për qëllime studimi a kërkimi shkencor, një dukuri etj. Dukuri të vëzhguara. Studime të vëzhguara. Vullkane (tërmete) të vëzhguara. Eksperiment i vëzhguar.
3. Që ndiqet vazhdimisht si kryhet një punë a një detyrë, si zbatohen rregullat për diçka, për mbarëvajtjen e diçkaje a të dikujt etj. Vëzhgimi i zbatimit e rregullave. I sëmurë (pacient) i vëzhguar.
✱Sin.: i mbikëqyrur, i ruajtur.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë