Fjalori

Rezultate në përkufizime për “sinap”

Mëso si ta përdorësh
<<< Kthehu te kërkimi kryesor në fjalor

DUKAGJIN

DUKAGJÍN,~I m. Musht rrushi, i prerë me sinap; musht rrushi pak i athët që sapo ka nisur të tharbëtohet. Pi dukagjin. Mbushi një gotë me dukagjin.

HARDALL

HARDÁLL,~ I m. sh. ~Ë, ~ËT bised. 1. bot. (lat. Sinapis alba, Brassica nigra, Brassica juncea) Sinap. Gjellë (byrek) me hardall. Lëng hardalli. Rritet si hardall. Hardalli i egër (lat. Sinapis arvensis).

2. gjell. Mustardë; produkt ushqimor i përftuar nga përpunimi i farave të sinapit.

3. fig. Njeri me trup të gjatë, por i trashë nga mendja; budalla.

4. si mb. I trashë nga mendja; budalla. Grua hardalle. Njeri hardall.

✱Sin.: sinap, mustardë.

HARDALLINË

HARDALLÍN/Ë,~AII f. sh. ~A, ~AT bot. Hardall.
✱Sin.: hardall, sinap.

LLAPA

LLAPÁ,~JA f. sh. ~, ~TË 1. Çorbë e trashë, që bëhet zakonisht me oriz të zier shumë, me patate etj. dhe që përdoret si ushqim për fëmijët e vegjël. Llapa orizi (gruri, patatesh). E ushqen me llapa. I jep llapa.
2. Pelte e qullët, që bëhet duke zier bimë të ndryshme mjekësore dhe që vihet mbi plagët për t’i mjekuar. Llapa me farë liri (me sinap). I vuri një llapa plagës. E poqi llapaja çibanin.
3. si mb. I qullët e i trashë. U bë gjella llapa. U bënë llapa fasulet.

RRËPIRË

RRËPÍR/Ë,~AII f. sh. ~A, ~AT bot. Bari i turrecit, sinapi i egër. Gjethet e rrëpirës.
✱Sin.: sinap, hardall.

SINAP

SINÁP,~I m., bot. (lat. Sinapis arvensis) Bimë barishtore njëvjeçare me kërcell të gjatë, me gjethe të mëdha trekëndëshe dhe me lule të verdha në majë në trajtë vilesh, që bën fara të vogla, të ndritshme, me shije të athët e djegëse; farat e kësaj bime që përdoren në mjekësi dhe për të përgatitur mustardën; hardall. Sinap i bardhë (i zi). Fletë (gjethe) sinapi.

TYQENMEZ

TYQENMÉZ,~I m., krahin. Rrush që ndehet në hatulla dhe, shtrydhet në prag të ngricave të dhjetorit, i hidhet pluhur sinapi, për t’u pirë gjatë dimrit; lëng rrushi me sinap, musht rrushi. Pi tyqenmez. Një gotë tyqenmez.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë