Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
LABIRÍNT,~I m. sh. ~E, ~ET 1. Strukturë ose rrjet i përbërë prej shtigjesh të shumta, të ndërlikuara dhe të ndërlidhura, që shpesh ka një rrugë të vetme të saktë drejt qendrës e cila mund të gjendet me shumë vështirësi. Hyri në një labirint. Ishte një lagje labirint.
2. fig. Rrjet i ndërlikuar që krijohet për të sfiduar logjikën, orientimin, këmbënguljen ose për të simbolizuar rrugëtimin e jetës. E sfiduan me një labirint.
3. anat. Struktura e përbërë e veshit të brendshëm, që përfshin pjesët e kockës së veshit të brendshëm dhe që është përgjegjëse për dëgjimin dhe drejtpeshimin. Vizitoj labirintin e veshit.
4. hist. Ndërtesë e madhe me shumë të ndara e me korridore të ngatërruara, ku ishte e vështirë të gjendej rruga e daljes (në Egjiptin dhe në Greqinë e lashtë), katakomb. Labirinti i Kretës.
5. fig. Diçka shumë e ndërlikuar, së cilës mezi i gjendet filli, çështje shumë e ngatërruar. Labirinti i kujtimeve (i mendimeve, i ndjenjave). Labirinti i historisë. I futi në një labirint. 6. gjuh. Ngatërresa gjuhësore, përdorim i strukturave të paqarta që çojnë në pështjellim. E fut bisedën nëpër labirinte gjuhësore.
♦ Futem në labirint libr. ngatërrohem keq në një punë a në një çështje shumë të ndërlikuar, sa nuk di të dal prej andej, futem në një çështje a në një gjendje që nuk ia gjen dot fillin.
SFINKS,~I m. sh. ~A, ~AT 1. mit. Qenie që, sipas mitologjisë së lashtë greke, përfytyrohej me krahë shpendi, me kokë e gji gruaje, me trup luani ose qeni e me bisht gjarpri dhe që u jepte udhëtarëve kalimtarë gjëza të vështira e i gëlltiste ngaqë nuk i zgjidhnin dot. Pyetjet e sfinksit. Ai çohej përpara nesh si sfinks.
2. Trupore e madhe prej guri, që paraqiste një luan të shtrirë me kokë gruaje ose me kokë të një faraoni për të simbolizuar fuqinë e faraonit. Sfinksi i famshëm përpara piramidës. Fliste për tempujt, sfinksat, piramidat.
3. fig. Njeri të cilit nuk i kuptohen mendimet, ndjenjat e qëllimet. Ai ishte një sfinks i vërtetë.
SHENJËZÚAR (i, e) mb. 1. Që është përcaktuar me shenja, i shenjuar. Hartë e shenjëzuar. E shenjëzuar me të kuqe. Vendkalim i shenjëzuar për këmbësorë.
2. fig. Që shërben për të simbolizuar diçka. Botë e shenjëzuar me rituale, valle, legjenda. Personazh i simbolizuar. Stil i simbolizuar nga një veshje e veçantë.
✱Sin.: i simbolizuar, i mishëruar, i shprehur, i përfaqësuar, i nënkuptuar, i treguar.
SIMBOLIZÚAR (i, e) mb. I shprehur në mënyrë të figurshme e konvencionale me anë të simboleve. Sakrifica është e simbolizuar kaq mirë në vepër. Koncept i simbolizuar mirë.
SIÓN, ~I m. (hebr. Cion) hist. 1. Mal në Jerusalem, mbi të cilin u ndërtua tempulli, që përdorej për të simbolizuar vetë qytetin, por edhe si qendër fetare ose shpirtërore. Këngët e Sionit po dëgjoheshin që larg. Dielli perëndoi mbi Sion. Miti i malit të Sionit u rezistoi kohërave.
2. Toka e premtuar e Izraelit, si simbol i popullsisë hebreje, një bashkësi e idealizuar, harmonike. Sioni është atdheu shpirtëror i hebrenjve.
3. Një vend ose komunitet fetar i konsideruar si i përkushtuar në mënyrë të shenjtë ndaj Zotit. Ithtarët e Sionit po përhapnin urdhrat e shenjtë.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë