Fjalori

Rezultate në përkufizime për “simbolizim”

Mëso si ta përdorësh
<<< Kthehu te kërkimi kryesor në fjalor

SHENJIM

SHENJÍM,~I m. sh. ~E, ~ET 1. Veprimi kur i vëmë diçkaje një shenjë, e bëj me shenjë. Shenjimi i produktit ushqimor. Shenjimi me vulë. Shenjimi i anëve të rrugës.
2. fig. Përfaqësimi i një objekti, ideje, veprimi etj. në mënyrë simbolike. Shenjimi i ditës ndërkombëtare të gjuhëve të huaja. Shenjimi i festave. Shenjimi i ngjarjeve të mëdha.
3. gjuh. Përmbajtja e fjalës, të shënuarit e një shenje gjuhësore. Do dhënë edhe shenjimi i fjalëve në fjalor. Kishin shtrembëruar shenjimin e fjalëve. Shenjimi i theksit në fjalë.
✱Sin.: simbolizim, mishërim, përfaqësim, domethënie, kuptim, përmbajtje.

SHENJËZIM

SHENJËZÍM,~I m. sh. ~E, ~ET 1. Tregim kufijsh ujorë me mjete pluskuese. Shenjëzim i hapësirës kufitare. U realizua shenjëzimi i kufijve. Shenjëzimi u realizua me sukses.
2. Një objekt, vend, hapësirë gjeografike etj., që është shenjëzuar për t’u identifikuar, për t’u dalluar, shenja që i ndihmojnë njerëzit që të orientohen në rrugë. Shenjëzimi i vendpushimeve. Shenjëzimi i vendeve me interes publik. Vendosja e shenjëzimit. Projekti i shenjëzimit. Shenjëzimi me vija të bardha. Rrugë pa shenjëzim.
3. gjuh. Marrëdhënia mes shenjuesit dhe të shenjuarit. Semiologjia e shenjëzimit. Shenjëzimi i sistemit të shenjave gjuhësore.
4. gjuh. Akti i shenjimit, akti i përdorimit të një shenje për të shënuar një domethënie, kuptim; emëtim. Procesi i shenjëzimit.
5. spec. Përdorimi i një sistemi figurash ose simbolesh në një fushë të specializuar (gjuhësi, letërsi, semiotikë, muzikë etj.); shprehja e koncepteve, e ndjenjave etj., me anë të simboleve. Shenjëzimi i realitetit. Shenjëzim letrar. Shenjëzimi i bukurisë. Shenjëzim i ligjërimit.
✱Sin.: simbol, simbolizim, përfaqësim, shënim, tipizim.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë