Fjalori

Rezultate në përkufizime për “sidoqoftë”

Mëso si ta përdorësh
<<< Kthehu te kërkimi kryesor në fjalor

DISESI

DISESÍ lidh. Gjithsesi; sidoqoftë. Po, disesi shpresoj të ndreqet puna. U përpoq ta përfytyrojë disesi në hapësirën e dritares.

GJITHSESI

GJITHSESÍ ndajf. 1. Sido që të ndodhë, sido që të jetë; me çdo mënyrë, patjetër. Do të kthehem gjithsesi. Mundohej gjithsesi që ta bindte.
2. Me të gjitha hollësitë, fill e për pe, fund e krye. Ia tregova punën gjithsesi.
3. Sidoqoftë. Gjithsesi, duhet ndjekur. Gjithsesi, na njofto si vajti puna.
✱Sin.: patjetër, gjithqysh, detyrimisht, medoemos, doemos, domosdo, sidoqoftë.

MEGJITHËKËTË

MEGJITHËKË́TË́ lidh. Pavarësisht nga kjo që po ndodh ose që ekziston, edhe pse ndodh ose ekziston dikush a diçka, sidoqoftë, përsëri, prapë, prapëseprapë, gjithsesi (zakonisht kur i referohemi diçkaje që sapo e kemi përmendur ose që ka ndodhur së afërmi). Puna që bën nuk është e lehtë, e megjithëkëtë ai e kryen me kënaqësi. Ai i ka ditur të gjitha këto gjëra, por megjithëkëtë shkruan tërthorazi për to. Megjithëkëtë, mbetet shumë punë për të bërë. Megjithëkëtë, urdhri do të zbatohet.

NDASHTË

NDÁSHTË pj. 1. Ndaç. Ndashtë, le të lodhet. Ndashtë, le të na quajnë edhe sot të ngurtë.
2. Sidoqoftë, sido që të jetë. Ndashtë, mendoi ai, tani së paku e di strehën e tij.
3. Ani; punë e madhe; aq më (na) bën; në dashtë, s’prish punë; s’kam ç’bëj, s’kemi ç’bëjmë. Nuk erdhi. Ndashtë!

NEJSE

NÉJSE pj. Sido që të jetë puna, sidoqoftë; ta lëmë me kaq; s’ka gjë, s’prish punë. - Nejse, t’i biem shkurt! - Nejse, mend për tjetër herë! - Nejse, iku kjo punë tani. - Nejse, mos ma përmend më. - Nejse, të mos zgjatemi.
✱Sin.: sidoqoftë, ani, pale.

QYSHDOQOFTË

QYSHDOQÓFTË fj. ndërmj. Sidoqoftë. Qyshdoqoftë, duhet të shkojmë në mbledhje.

SADOKUDO

SADOKUDÓ lidh. Përdoret për të treguar se një veprim a ngjarje ndodh pavarësisht nga vështirësitë. Dy pjesët sadokudo nuk lidhen me çështjen. Nuk jetonte me familjen, por sadokudo kujdesej për fëmijët. Fitorja u dha qetësinë që sadokudo është e nevojshme.
✱Sin.: sidoqoftë, gjithsesi, ndonëse.

SADOMOS

SADOMÓS lidh., vjet. Megjithatë. Sadomos, ishte e vërtetë. Sadomos, dukej bukur.
✱Sin.: megjithëkëtë, sidoqoftë, prapëseprapë.

SIDOQOFTË

SIDOQÓFTË fj. ndërm. Sido që të jetë puna, pavarësisht nga ndonjë rrethanë a se si ka qenë; prapëseprapë. Sidoqoftë, ai kishte mësuar shumë. Sidoqoftë, ne nuk do të heshtim. Sidoqoftë, ka ardhur koha të zgjidhet kjo çështje.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë