Fjalori

Rezultate në përkufizime për “shushuritës”

Mëso si ta përdorësh
<<< Kthehu te kërkimi kryesor në fjalor

GURGULLUES

GURGULLÚES,~E mb. Që gurgullon; që nxjerr gurgullima. Ujë gurgullues. Me zë gurgullues.
✱Sin.: shushuritës, fëshfëritës.

MURMURITËS

MURMURÍTËS,~E mb. Që murmurit, nënëritës. Zëri i tij ishte murmuritës. Gurgullimë murmuritëse. Muzikë murmuritëse.
✱Sin.: mërmëritës, nënëritës, shushuritës, fëshfëritës, gurgullues.

TINGULL

TÍNGU/LL,~LLI m. sh. ~J, ~JT 1. Zë i hollë e i kumbueshëm, që përftohet nga dridhja e valëve të ajrit a e një mjedisi tjetër kur godasim diçka (një send prej metali, prej xhami etj.); ndjesi dëgjimore e krijuar nga një valë akustike; ajo që dëgjojmë. Tingull i dobët (i lehtë, i fortë). Tingulli i ziles (i kambanës, i këmborës). Lëshon (nxjerr) tinguj. Dëgjohen tinguj.
2. muz. Zë që nxjerr një vegël muzikore; vëllimi, intensiteti i zërit të një pajisjeje. Tingull muzikor. Tingull i ëmbël. Tinguj të gëzueshëm. Tingujt e violinës (e kitarës, e fizarmonikës). Nën tingujt e orkestrës. Dëgjohen tingujt e pianos.
3. gjuh. Zë me një shqiptim të shkoqur, që prodhohet me anë të lëvizjeve të organeve të të folurit; njësia më e thjeshtë e të folurit. Tingujt e gjuhës shqipe. Tingull zanor (bashkëtingëllor). Tingull hundor. Tingull i zhurmët. Tingull i zëshëm (i pazëshëm). Tingull shushuritës. Tinguj fonetikë. Tingujt e të folurit. Tingull grykor-qiellzor. Shqiptoj qartë tingujt i nyjëtoj. Bashkimi i tingujve. Rënia e tingujve.
4. fig. Shprehje e përmbajtjes së diçkaje, tingëllim. Ka një tingull të ri.
✱Sin.: zë, tingëllim.

ÇUÇURITËS

ÇUÇURÍTËS,~E mb. 1. Që flet me zë shumë të ulët, që çuçurit. Ishte po aq e gjallë e çuçuritëse si në fillim. Me zë çuçuritës i tregoi ngjarjen. Ishte e çelët dhe çuçuritëse.
2. Cicërues. Zogjtë e mi çuçuritës.
3. Që gurgullon lehtë e butë. Shtjellë çuçuritëse e ujërave të burimit. Valët çuçuritëse të liqenit.
✱Sin.: pëshpëritës, cicërues, gurgullues, shushuritës.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë