Fjalori

Rezultate në përkufizime për “shumëvalent”

Mëso si ta përdorësh
<<< Kthehu te kërkimi kryesor në fjalor

JON

JON,~I m. sh. ~E, ~ET spec. Atom a grup atomesh që bartin ngarkesë elektrike, pozitive a negative a molekulë që ka humbur elektrone ose që ka marrë elektrone të tepërta; atom ose grup atomesh me ngarkesë elektrike. Jon pozitiv (negativ). Jon i thjeshtë. Jon njëvalent (shumëvalent). Jonet e metaleve. Jonet e atmosferës. Dendësia e joneve. Nën veprimin e joneve.

OSMIUM

OSMIÚM,~I m., kim. Metali më i rëndë i njohur deri tani, shumëvalent, që i përket grupit të platinit, me pikë shkrirjeje të lartë, që përdoret si katalizator (simboli Os). Osmiumi është një metal i rrallë. Osmiumi është toksik në formën e oksidit të tij.

SHUMËVALENT

SHUMËVALÉNT,~E mb. 1. kim. Që ka shumë valenca dhe mund të bashkohet me të njëjtin element në përpjesëtime të ndryshme (për elementet kimike). Grupi i elementeve kimike shumëvalente. Sulfuri është shumëvalent.
2. mjek. Që vepron kundër shumë mikrobeve të ndryshme të të njëjtit lloj. Serum shumëvalent. Vaksinë shumëvalente. Antibiotikë shumëvalentë. Me veprim shumëvalent.
3. libr. Që përmban lloje të ndryshme vitaminash, që ka vlera të ndryshme e të shumta. Ushqim shumëvalent.
4. fig., libr. Që kryen disa funksione, që përdoret në shumë fusha të veprimtarisë shoqërore. Qendra shumëvalente. Të folur shumëvalent. Mandat shumëvalent.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë