Fjalori

Rezultate në përkufizime për “shumësi”

Mëso si ta përdorësh
<<< Kthehu te kërkimi kryesor në fjalor

BURI

BURÍ,~AI f., arb. 1. Sasi e madhe, pasuri, mbushulli. Buri kafshësh. Buri pemësh. Buri mizash dheu. Ka me buri.
2. përmb. Shumicë tepër e madhe (njerëzish a sendesh); mori. Shtazët e egra ishin me buri.
✱Sin.: shumicë, mori, mbushulli, mbushullim, luzmë, shumësi, re, lemeri, krimbëri.

SHUMICË

SHUMÍC/Ë,~A f. sh. ~A, ~AT 1. Sasi e madhe a numër i madh njerëzish, kafshësh, sendesh etj. të mbledhur së bashku; kund. pakicë. Shumicë e madhe. Një shumicë fëmijësh. Shitje me shumicë. Shitet me shumicë. Shumicë yjesh.
2. Pjesa më e madhe, numri më i madh nga një tërësi njerëzish, sendesh etj.; kund. pakicë. Shumica dërrmuese. Shumica e popullsisë. Shumica e seminaristëve. Shumica e pallateve. Shumica e insekteve. Shumica e votuesve. Shumica e të privilegjuarve. Shumica e trashëgimtarëve.
3. Parti, grup partish ose fraksion i një partie, që ka numrin më të madh të votave në një asamble a parlament; kund. pakicë. Qeveri e shumicës. Grupi parlamentar i shumicës. Deputetët e shumicës.
✱Sin.: shumësi, mori, mizëri, buri, bulbëri, krimbëri, shakmizë, lumnajë.

SHUMIM

SHUMÍM,~I m. sh. ~E, ~ET 1. Procesi që e bën diçka disa herë më të madhe në numër. Shumimi i popullsisë. Shumimi i detyrave.
2. Shumëzim. Shumimi i tezave të provimit.
✱Sin.: shumësi, mori, mizëri, buri, bulbëri, krimbëri, shakmizë, lumnajë.

SHUMËS

SHÚMËS,~I m. sh. ~A, ~AT gjuh. Numri shumës. Shumësi i shquar (i pashquar). Shumësi i emrave. Shumës mirësjelljeje. Mbaresat e shumësit. Flet në shumës.

SHUMËSI

SHUMËSÍ,~A f. vet. nj. 1. Të qenët i shumtë, sasi e madhe a numër i madh njerëzish, sendesh etj.; shumicë e madhe. Shumësi dijesh. Shumësi njerëzish (sendesh). Shumësi ngjyrash. Shumësi kuptimi (gjuh.) që ka shumë kuptime.
2. vjet. Pjesa më e madhe, shumica. Me shumësi votash.

VJETA

VJÉTA,~T m. vet. sh. Shumësi i viç; viça. I çoi vjetat në kullosë. I ka dy vjeta dhe po i mban për mbarë. I humbën vjetat.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë