Fjalori

Rezultate në përkufizime për “shtriq”

Mëso si ta përdorësh
<<< Kthehu te kërkimi kryesor në fjalor

KARGATIS

KARGATÍS vep., ~A, ~UR kal. 1. Shtrij, tendos a ndej një tel, një mbulesë, tapet etj., duke e tërhequr a duke e hapur mirë. Kargatis telin (tapetin).
2. edhe fig. Shtriq trupin, krahët e këmbët. Kargatis trupin (krahët, këmbët).
3. edhe fig. Mahis, shkaktoj pezmatimin ose acarimin e një plage, të një situate etj.; acaroj. Kargatisi plagën. Kargatis gjendjen (situatën).
✱Sin.: tendos, ndej, zgjat, mahis, acaroj.

NDEJ

NDE/J vep., ~VA, ~RË kal. 1. Hap dhe shtrij një rrobë ose diçka tjetër për t’u tharë në ajër. Ndej këmishën (çarçafët). Ndej rrobat në tel. I ndeu lëkurët në diell. I ndeu fiqtë për t’i tharë.
2. Hap derisa të shtrihet një gjymtyrë ose një pjesë të trupit, zgjat. Ndej dorën. I ndeu këmbët (krahët) para oxhakut.
3. Ngreh, tendos. Ndej telin. Ndej tendën.
4. fig. Tendos. Ndej të gjitha forcat.
✱Sin.: hap, shtrij, shtëllij, nder, shtëllis, ndez, var, zgjas, ashpërsoj, acaroj, ngreh, tendos, shtriq, shtroj.
♦ I ndeu (i ngriti) *këmbët (dikush) mospërf. I ndej dorën (dikujt) i lyp, i kërkoj me të lutur.

PËRGJUMSHËM

PËRGJÚMSHËM ndajf. Përgjumësh. U shtriq (hapi gojën) përgjumshëm. Foli si përgjumshëm.

SHTRIQ

SHTRIQ vep., ~A, ~UR kal. Shtrij, ndej (trupin, gjymtyrët) për t'i shpirë. Shtriq krahët (këmbët).

SHTËRHEQ

SHTËR/HÉQ vep., ~HÓQA, ~HÉQUR kal. Shtrij, lëshoj diçka të tendosur; shtriq.

TALAGJAR

TALAGJÁR vep., ~A, ~UR kal. Shtriq. Talagjar krahët.

TËRTHOROJ

TËRTHOR/ÓJ vep., ~ÓVA, ~ÚAR kal. 1. Tërthorzoj, i bie tërthor. Tërthoroi qytetin. Lumi tërthoron pyllin.
2. Shtrij, përhap (degët një pemë). Pemët që tërthorojnë degët, duhen krasitur.
3. Shtriq, shtrij, ndej gjymtyrët. Mos i tërthoro këmbët se na pengon.
4. fig. Dredhoj, nuk e them drejt diçka; i bëj bisht. Mos e tërthoro fjalën.
✱Sin.: shtrij, shtriq, përhap, ndej, dredhoj, bishtnoj.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë