Fjalori

Rezultate në përkufizime për “shtrembaluq”

Mëso si ta përdorësh
<<< Kthehu te kërkimi kryesor në fjalor

BAJMAK

BAJMÁK,~E mb., bised. 1. Që i ka këmbët të shtrembra dhe që ecën duke i hedhur anash ose duke i përpjekur njëra me tjetrën; i shtrembër; tall. me trup a këmbë të shtrembra, shtrembaluq, shtrembanik, shtremb. Bajmak nga brenda që ecën duke i përpjekur gjunjët. Bajmak nga jashtë që ecën duke i hedhur këmbët anash. Kalë (viç) bajmak. Lopë bajmake. Grua bajmake. Këmbë bajmake.
2. I pafuqishëm, i thatë, i hollë e i brishtë; i pazhvilluar mirë fizikisht; i ligur, kockanjar, kockë e lëkurë. Kish mbetur bajmak.
3. fig., keq. Budalla, torollak; fyell nga mendja, hu gardhi.
4. fig., keq. Shpirtvogël, shpirtngushtë e grindavec.
5. si em. m. e f. Sipas kuptimeve të mbiemrit.
✱Sin.: i shtrembër, shtrembaluq, shtrembanik, shtremb, i pafuqishëm, i thatë, i ligur, kockanjar, budalla, torollak, shpirtvogël.

PATRASHUL

PATRASHÚL,~E mb. 1. Që është i shtrembër, shtrembaluq. Dru patrashul. Njeri patrashul. Edhe patrashul edhe gojëpambyllur!
2. si em. m. e f. Sipas kuptimit të mbiemrit.

SHKAPËRDHIQ

SHKAPËRDHÍQ,~E mb. Që është shtrembaluq. Burrë shkapërdhiq.

SHTREMB

SHTREMB,~I m. sh. ~A, ~AT mospërf. Njeri shtrembaluq.

SHTREMBAK

SHTREMBÁK,~E mb., mospërf. Shtrembaluq.

SHTREMBALUQ

SHTREMBALÚQ,~E mb., mospërf. 1. I shtrembër; i shformuar. Shkronja shtrembaluqe. Këpucë shtrembaluqe. Këmbë shtrembaluqe. Shtëpi shtrembaluqe.
2. Që e ka trupin të shtrembër a këmbët të shtrembra. Plak shtrembaluq.
3. si em. Sipas kuptimit 2 të mbiemrit.

SHTREMBANIK

SHTREMBANÍK,~E mb., mospërf. Shtrembaluq. Ulli shtrembanik. Me fytyrë shtrembanike.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë