Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
►PËRHÁP/EM jovep., ~A (u), ~UR 1. vetv., zakon. sh. Largohemi në drejtime të ndryshme dhe mbushim një shesh a gjithë vendin.
2. vetv., vet. v. III Shtrihet në drejtime të ndryshme diçka që është e grumbulluar në një vend; zë gjithë vendin, pushton; prishet një grumbull, shpërndahet. U përhapën nëpër pyll (nëpër fushë). U përhap mjegulla. U përhap flaka (zjarri). Përhapën tingujt. Përhapet aroma e luleve. Përhapen rrezet e diellit.
3. vetv., vet. v. III Merr një shtrirje a përpjesëtim të gjerë, zgjerohet; kap edhe vende të tjera. Përhapet mbjellja në sera. Përhapet përdorimi i pajisjeve kompjuterike në mësim.
4. vetv., vet. v. III Kalon një sëmundje nga njëri tek tjetri, prek një shumicë njerëzish, mbartet, shtrihet. Sëmundjet ngjitëse përhapen shpejt.
5. vetv., vet. v. III Bëhet e ditur a e njohur për të gjithë ose për një rreth të gjerë njerëzish; përvetësohet nga një shumicë njerëzish; shtrihet, popullarizohet. U përhap fjala (lajmi) se... Përhapet përvoja e më të mirëve.
6. vetv. Shpërndahem e merrem me gjëra të tjera që nuk lidhen shumë me thelbin e një çështjeje; zgjatem për së tepërmi kur merrem me studimin, me shqyrtimin a me trajtimin e diçkaje; nuk përqendrohem në diçka, hapem. U përhap në hollësira (në gjëra të panevojshme). Punon shumë, po përhapet tepër.
7. pës. e PËRHÁP.
✱Sin.: shpërndahem, përndahem, hapem, shpërhapet, shpërderdhet, shkoqem, përshkoqem, përshkënditem, hallakatem, davaritem, zhdavaritet, tuhatem, damahushet, përbishtem, shqepem, shtrihem, zgjerohem, derdhem, bie, qarkullohem, shpërpallet, dal, shkon, vete, kalon, tërhapem, zgjerohem, përdegem, çakërdisem, pushtohem, shkapërderdhem, shprishem, zhvillohem, rritem, shtrapëzohet, dëgjohem, njihem, përvetësohet, popullarizohem, hapërdahem, zgjatem, hapem, tërhapem. shpërqendrohem, shtohem, tejçohet, tejshtrihet, rrezatohet, depërton, gëlon, jehon.
►ZGJER/ÓHET jovep. ~ÚA (u), ~UAR kryes. v. III 1. vetv. Bëhet më i gjerë, hapet më shumë; kund. ngushtohet. U zgjerua trikoja. U zgjeruan enët e gjakut. I është zgjeruar zemra.
2. vetv. Shtrihet në një sipërfaqe më të madhe, hapet më shumë; zmadhohet; kund. ngushtohet. U zgjerua oborri. Qyteti po zgjerohet nga jugu. Tashti jemi zgjeruar me shtëpi. Kryengritja ishte zgjeruar edhe në vende të tjera.
3. vetv. Përhapet a shtrihet në një rreth më të gjerë, bëhet më i përgjithshëm e më i plotë; përfshihet në të një numër më i madh. Zgjerohet rrjeti i spitaleve (i kopshteve). Zgjerohet armata e arsimtarëve (e mjekëve). Zgjerohen të drejtat e popullit. Zgjerohet arsimi i mesëm e i lartë.
4. vetv. Bëhet më i pasur e më i gjithanshëm, mbushet a shtohet me diçka të re, rritet; edhe v. I e trajtoj një çështje më gjerë, me më shumë të dhëna e më me hollësi. Janë zgjeruar shkencat (njohuritë shkencore). U zgjeruan mjaft në çështjen themelore. Ky studim ishte zgjeruar më shumë se ç’duhej.
5. pës. e ZGJERÓJ.
✱Sin.: zmadhohet, shtrihet, gjerohet, hapet, përhapet, trashet, rritem, shtohem.
♦ M’u zgjerua *zemra.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë