Fjalori

Rezultate në përkufizime për “shtirak”

Mëso si ta përdorësh
<<< Kthehu te kërkimi kryesor në fjalor

BIGOT

BIGÓT,~I m. sh. ~Ë, ~ËT libr. 1. Besimtar hipokrit; njeri që hiqet sikur beson te një fe. Bigotë të pandreqshëm.
2. Njeri që shtiret sikur është i mirë e i drejtë etj., por nuk është i tillë; shtirak, shtinjak, me dy fytyra, mësallë me dy faqe; hipokrit. Shoqëri bigotësh. Duhet të jesh bigot nga natyra. Bigotë politikë.

HIPOKRIT

HIPOKRÍT,~E mb. 1. Që shtiret sikur është i mirë, i virtytshëm e i dashur, që mban qëndrim me dy fytyra, që nuk e zbulon fytyrën e vërtetë; kund. i çiltër, i sinqertë. Buzëqeshje hipokrite. Fjalë hipokrite.
2. fig., mospërf. Që nuk i shpreh haptas ndjenjat, bindjet e veta ose qëllimet e vërteta; që bëhet për të mbuluar qëndrimin e qëllimin e vërtetë, për të mashtruar dhe për të gënjyer të tjerët; mashtrues, gënjeshtar. Qëndrim hipokrit. Sjellje hipokrite. Njeri hipokrit.
✱Sin.: mashtrues, gënjeshtar, dredharak, shtirak, shtinjak, shtiracak, dyfytyrësh, dallkauk, i pasinqertë.

SIMULANT

SIMULÁNT,~I m. sh. ~Ë, ~ËT 1. mjek. Ai që shtiret sikur vuan nga një sëmundje për t'iu shmangur punës ose ndonjë detyre tjetër shoqërore. I dallonte lehtë simulantët.
2. libr. Shtiak. Ai ishte një simulant i zoti.
✱Sin.: simulues, shtinjak, shtirak, shtiracak.

SIMULUES

SIMULÚES,~I m. sh. ~, ~IT 1. mjek. Simulant. Simuluesi kishte siguruar dhe lejen mjekësore.
2. libr. Shtiak. Simuluesi mori dënimin e merituar.
✱Sin.: shtinjak, shtirak, shtiracak.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë