Fjalori

Rezultate në përkufizime për “shtiak”

Mëso si ta përdorësh
<<< Kthehu te kërkimi kryesor në fjalor

BRESHKANJAK

BRESHKANJÁK,~E mb. 1. Dështak, shtiak (për njerëz a për kafshë të pazhvilluara). Duket si breshkanjak që larg.
2. si em. m. e f. Sipas kuptimit të mbiemrit. Janë shtuar breshkanjakët.

DËSHTAK

DËSHTÁK,~E mb. 1. Që ka lindur para kohe i vdekur (për fëmijë) a i ngordhur (për pjellën e kafshëve), i dështuar; shtiak, shtatanik. Djalë dështak. Vajzë dështake. Pjellë dështake.
2. I dobët nga trupi, ligaç (për fëmijë); i pazhvilluar a i papjekur mirë; i dobët (për bimë). Fëmijë dështak. Mollë dështake. Degë dështake. Fidan dështak.
3. fig. Që është paracaktuar të dështojë; i dështuar. Përpjekje dështake. Plan dështak.
4. si em. m. e f. Sipas kuptimeve të mbiemrit. - Një copë dështak është! Romani “Dështaku”.
✱Sin.: i dështuar, shtijak, shtatanik, shëndetlig, i dobët.

DËSHTUAR

DËSHTÚAR (i, e) mb. 1. Që ka lindur i vdekur para kohe (për foshnjën); që është pjellë i ngordhur para kohe (për pjellën e kafshëve); i shtënë, dështak. Pjellë e dështuar.
2. I pazhvilluar a i papjekur mirë; i dobët (për bimët). Mollë e dështuar. Fidan i dështuar.
3. fig. Që nuk ia ka dalë dot në krye një pune a një veprimtarie, që nuk ia ka arritur qëllimit që kishte, që ka përfunduar keq në jetë. Njeri (brez) i dështuar.
4. fig. Që nuk ka pasur sukses, që nuk ka dalë i mbarë, i pasuksesshëm. Shfaqje e dështuar. Vepër letrare (artistike) e dështuar. Martesë e dështuar. Mbledhje e dështuar. Mision i dështuar.
✱Sin.: dështak, shtiak, i shtënë, i shtirë, i pasuksesshëm.

SHTIAK

SHTIÁK,~EI mb. 1. Që shtiret, që është me dy faqe. Njeri shtiak.
2. si em. Sipas kuptimit të mbiemrit. Ua nxori bojën shtiakëve.

SHTIRË

SHTÍRË (i,e)II mb. 1. Dështak, shtiak. Kec i shtirë.
2. Që ka dështuar, që ka shtirë. Dele (dhi) e shtirë.
3. fig. I dobët nga trupi, ligaç, ngordhalaq. Është si i shtirë.
♦ Edh i shtirë mospërf.

SIMULANT

SIMULÁNT,~I m. sh. ~Ë, ~ËT 1. mjek. Ai që shtiret sikur vuan nga një sëmundje për t'iu shmangur punës ose ndonjë detyre tjetër shoqërore. I dallonte lehtë simulantët.
2. libr. Shtiak. Ai ishte një simulant i zoti.
✱Sin.: simulues, shtinjak, shtirak, shtiracak.

SIMULUES

SIMULÚES,~I m. sh. ~, ~IT 1. mjek. Simulant. Simuluesi kishte siguruar dhe lejen mjekësore.
2. libr. Shtiak. Simuluesi mori dënimin e merituar.
✱Sin.: shtinjak, shtirak, shtiracak.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë