Fjalori

Rezultate në përkufizime për “shqipfolës”

Mëso si ta përdorësh
<<< Kthehu te kërkimi kryesor në fjalor

SARAKAÇAN

SARAKAÇÁN,~I m. sh. ~Ë, ~ËT bised. Vllah shqipfolës. U takuan me sarakaçanët.

SHFRYTËZUES

SHFRYTËZÚES,~I m. sh. ~, ~T 1. Ai që nxjerr fitime duke përvetësuar frytet e punës së të tjerëve, përfitues. Shfrytëzues mizor (i egër, i pashpirt). Shfrytëzuesit e tregut të brendshëm. Interesat e shfrytëzuesve. Shfrytëzues të popullit. Shfrytëzues të minierave.
2. kryes. sh. Ata që shfrytëzojnë një vepër industriale e që zakonisht marrin pjesë edhe gjatë ndërtimit të saj në disa punime. Ndërtuesit dhe shfrytëzuesit. Hidrocentrali iu dorëzua shfrytëzuesve.
3. kryes. sh. Përdorues i burimeve financiare ose i burimeve të tjera, ata që përdorin mundësitë që u krijohen. Shfrytëzuesit shqipfolës. Shfrytëzuesit e internetit. Shfrytëzues të bursave. Shfrytëzues të ndihmës sociale.
✱Sin.: shfrytëzonjës, gjakpirës, robërues, shtypës, çifligar, peshkaqen, përfitues, përvetësues, zhvatës, vampir, zhvatarak.

SHQIPFOLËS

SHQIPFÓLËS,~E mb., libr. 1. Që e flet shqipen si gjuhë amtare, që flet shqip. Popullsi shqipfolëse.

2. Që e ka mësuar shqipen, që e përdor gjuhën shqipe. Politikan shqipfolës. Turistë shqipfolës.

SHQIPFOLËS

SHQIPFÓLËS,~I m. sh. ~, ~IT 1. Ai që e ka shqipen gjuhë amtare, ai që flet shqip. Shqipfolësi i respektonte të gjitha rregullat e shqipes. Fjalë që përdoret nga të gjithë shqipfolësit.

2. Ai që e ka mësuar shqipen, që e përdor gjuhën shqipe. Shqipfolës i huaj. Shqipfolësi veteran.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë