Fjalori

Rezultate në përkufizime për “shpupuritur”

Mëso si ta përdorësh
<<< Kthehu te kërkimi kryesor në fjalor

DAFURRUAR

DAFURRÚAR (i, e) mb., krahin. 1. Që kërkohet me rrëmujë, me ngut e pa sistem nëpër shtëpi; i rrëmujshëm, i ngatërruar. Gjë e dafurruar.
2. I pështjelluar, i koklavitur, i çakërdisur. Bisedë e dafurruar.
3. I shprushitur, i shpuzitur. Zjarr i dafurruar.
✱Sin.: i rrëmujshëm, i pasistemuar, i çrregullt, i ngutshëm, i nxituar, i hallakatur, i çoroditur, i tollovitur, i ngatërruar, i pështjelluar, i koklavitur, i kokolepsur, i çakërdisur, i shpërndarë, i hutuar, i turbulluar, i trullosur, i shastisur, i shprushitur, i shpuzitur, i shpupuritur, i prushitur, i përshkënditur.

NGATËRRUAR

NGATËRRÚAR (i, e) mb. 1. Që është lidhur a bërë bashkë pa rregull, i koklavitur; kund. i çngatërruar, i shkoklavitur. Me flokë të ngatërruar. Lëmsh i ngatërruar. Fletë të ngatërruara.
2. fig. I vështirë për t’u kuptuar a për t’u zgjidhur, i paqartë; i ndërlikuar, i koklavitur. Shprehje të ngatërruara. Mendime (ide) të ngatërruara. Gjendje (punë) e ngatërruar. Ushtrime (probleme) të ngatërruara. Çështje të ngatërruara.
3. I zënë e i grindur me njerëzit. I ngatërruar me të gjithë lagjen.
✱Sin.: i koklavitur, i pleksur, i mpleksur, i korkolepsur, i rrëmujshëm, i turbullt, i ndërliksur, i paqartë, ujem, i vëngër, i ndërlikuar, i vështirë, i stërholluar, i shpupurishur, i shprishur, i tutëluar, i tollovitur, i pështjelluar, i pashkoqitur, i çatrafiluar, i sëkëlldisur, i shkartisur, i trazuar, i çoroditur, i shpupuritur, i rrëmihur.

SHKAFRRITUR

SHKAFRRÍTUR (i, e) mb. Që është shkafrritur; i gërmuar, i bubërruar. Tokë e shkafrritur.
✱Sin.: i gërmuar, i bubërruar, i shpupuritur, i zbuluar.

ÇAPURITUR

ÇAPURÍTUR (i, e) mb. Që është trazuar, është shpupuritur; që është çapuritur.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë