Fjalori

Rezultate në përkufizime për “shporet”

Mëso si ta përdorësh
<<< Kthehu te kërkimi kryesor në fjalor

SHPOR

SHPOR,~III m. sh. ~E, ~ET 1. Mamuz. Shporet e çizmeve. I nguli shporet kalit. Vuri shporet.
2. bot. Zgjatim si gyp i kupës a i kurorëzës së lules, ku mblidhet nektari.

SHPOR

SHPOR,~IIII m. sh. ~E, ~ET 1. Lehe, vllajë; pjesa ndërmjet dy hullive në një are të palëruar, e gjerë aq sa arrin krahu kur hedhim farën e grurit. Ujitje me shpore. Ka mbjellë dy shpore me duhan. Hedh farën shpor për shpor. Tetë shpore u bë ara.
2. Vijat që ndajnë lehet dhe që shërbejnë për të ujitur a për kullimin e tokës; vija të vogla që hapen nëpër ara, që të përhapet uji sa më mirë gjatë ujitjes; lehe. Zë shporin. I bëmë shporet arës.

SHPORET

SHPORÉT,~I m. sh. ~E, ~ET Sobë kuzhine, stufë, kuzhinë ekonomike. Pjek në shporet.

SOBË

SÓB/Ë,~AI f. sh. ~A, ~AT Pajisje për të ngrohur një dhomë ose për të gatuar, zakonisht në trajtën e një kutie të madhe prej metali, prej balte etj., me vendin për të ndezur zjarrin dhe me qyngjet për të tërhequr tymin; stufë. Sobë me dru (me gaz, me qymyr). Sobë për ngrohje. Qyngjet e sobës. Furra e sobës. Ndezi sobën. Rri afër sobës. I hedh dru (qymyr) sobës. Sobë ekonomike sobë e madhe për të gatuar dhe me furrë për të pjekur.
✱Sin.: shporet, forum, koftor.

STUFË

STÚF/Ë,~A f. sh. ~A, ~AT Pajisje e mbyllur, zakonisht prej metali, që përdoret për gatim, për ngrohje etj., duke e nxehur me dru, me gaz, me energji elektrike etj. Stufë ekonomike. Kishin marrë një stufë elektrike. Iu afruan stufës së ngrohjes. E kishte përgatitur në stufën e gatimit. Nuk e kishte ndezur akoma stufën.
✱Sin.: sobë, shporet, por, forum, koftor.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë