Fjalori

Rezultate në përkufizime për “shpirtdëlirë”

Mëso si ta përdorësh
<<< Kthehu te kërkimi kryesor në fjalor

NDERSHËM

NDÉRSH/ËM (i), ~ME (e) mb. 1. Që vepron në përputhje me moralin e normat e shoqërisë, që sillet dhe punon me nder, me drejtësi e me ndërgjegje; kund. i pandershëm. Njeri i ndershëm. Qytetar i ndershëm. Nëpunës të ndershëm. I ndershëm gjer në thembër.
2. Që bëhet duke punuar me nder, me drejtësi e me ndërgjegje; që përshkohet nga qëllime të drejta e të pastra, që shpreh drejtësi e çiltëri. Punë (sjellje) e ndershme. Qëndrim i ndershëm. Qëllime (synime) të ndershme. Me rrugë të ndershme. Proces i ndershëm.
3. Që përputhet me ligjet e ndershmërisë, të detyrës, të virtytit; që është i pastër moralisht; i pacenuar, i panjollosur. Vajzë (grua) e ndershme. Familje e ndershme. Njerëz të ndershëm. Të qenët i ndershëm.
✱Sin.: i ndërgjegjshëm, i virtytshëm, shpirtdëlirë, zemërbardhë, i ndermë, zemërartë, zemërdëlirë, i dëlirë, zemërpastër, i sjellshëm, zemërflori, zemërhapur, i sinqertë, faqelarë, qëllimmirë, fillmirë, fisnik, esnaf, i drejtë, i paanshëm, i çiltër, i pastër, besnik, i pacenuar, i panjollosur, namusqar.

SHPIRTDËLIRËSI

SHPIRTDËLIRËSÍ,~A f. Të qenët shpirtdëlirë, vetia e njeriut shpirtdëlirë, pastërti shpirtërore, çiltëri.

SHPIRTFËLLIQUR

SHPIRTFËLLÍQUR mb. I ndyrë nga shpirti, që bën a nxit të tjerët të bëjnë punë të poshtra e të ndyra; kund. shpirtpastër, shpirtdëlirë.

SHPIRTÇILTËR

SHPIRTÇÍLTËR mb. Shpirtdëlirë, zemërdëlirë, i çiltër.

ZEMËRDËLIRË

ZEMËRDËLÍRË mb., poet. 1. Zemërpastër; zemërartë. Të rinj zemërdëlirë. Vasha zemërdëlirë. Të dua pa hile, / Se je zemërdëlirë. / Ma ruaj atë syrin, / Që më luajti fiqirë. (folk.).
2. si em. m. e f. Sipas kuptimit të mbiemrit.
✱Sin.: shpirtdëlirë, shpirtçiltër, shpirtpastër, i çiltër, i qëruar, i ndershëm, zemërborë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë