Fjalori

Rezultate në përkufizime për “shpirraq”

Mëso si ta përdorësh
<<< Kthehu te kërkimi kryesor në fjalor

CAMARAK

CAMARÁK,~E mb. Frymëzënë, astmatik, shpirraq.

FRYMËZËNË

FRYMËZËNË mb. 1. Që i është zënë fryma nga lodhja, që është lodhur shumë; si mallk. që iu zëntë fryma, që vdektë! Lojtar frymëzënë.
2. Që vuan nga shpirra, shpirraq. Kalë frymëzënë.
✱Sin.: i rraskapitur, astmatik, shpirraq.

FRYMËZËNË

FRYMËZËN/Ë,~I m. sh. ~, ~T 1. Ai që i është zënë fryma nga lodhja, ai që është lodhur shumë. Frymëzëni ngadalësoi hapin.
2. Ai që vuan nga shpirra, shpirraq. E çuan në spital frymëzënin.
✱Sin.: astmatik, shpirraq.

PAKTË

PÁKTË (i, e) mb. 1. edhe si em. Që është në sasi të vogël; që përbëhet nga një numër i vogël qeniesh, sendesh, dukurish etj. të një fare; kund. i shumtë. Letra të pakta. Raste të pakta. Ujë i paktë. Janë të paktë në numër. I ka të pakta fjalët nuk flet shumë. Është një ndër të paktët.
2. Që nuk i plotëson kërkesat, që nuk është aq sa duhet; i pamjaftueshëm, i dobët; kund. i duhur. Ndihmë e paktë. Përvojë e paktë. Ka njohuri të pakta.
3. I imët nga trupi, i shkurtër dhe i dobët; jo i bëshëm; kund. i bëshëm. Fëmijë (djalë, plak) i paktë. Grua (vajzë) e paktë. Ishte i paktë nga trupi.
✱Sin.: i pakë, i vogël, modest, i pamjaftueshëm, i imët, i dobët, i zbehtë, i kufizuar, i rrallë, i hollë, i pazhvilluar, imëtak, vogëlan, i shkurtër, i pabëshëm, i hequr, shëndetlig, shpirraq, i rrëgjuar, shtatpaktë.
♦ Nuk është i paktë. 1. (dikush). Është dhe ai ndër ata që dallohen, duhet të matesh mirë me të; ka edhe ai aftësi e merita të veçanta ose vlerë a peshë jo të vogël në shoqëri. 2. (diçka). Është me pasoja të rënda ose është e madhe e me rëndësi, është serioze. I ka të pakta *bukët (dikush). (E mbaj) si *ujët e paktë (dikë a diçka). (E pret) si *ujët e pakët (e ftohtë) (dikë a diçka).

SHPIRRAQ

SHPIRRÁQ,~E mb. 1. Që ka sëmundjen e shpirrës. Kuaj shpirraqë. Pule shpirraqe.
2. Që flet me hundë, hundaç.
3. Shëndetlig, i dobët, i paktë nga trupi. Burrë shpirraq.
4. Si em. sipas kuptimeve të mbiemrit.

SHËNDETDOBËT

SHËNDETDÓBËT mb. Që nuk i ecën shëndeti, shëndetlig; kund. shëndetplotë. Djalë shëndetdobët. Hyri mjekja shëndetdobët. Vinte si shëndetdobët. I vogli ishte shëndetdobët.
✱Sin.: shëndetlig, shëndetpakët, i dobët, i sëmurë, i pashëndet, ligaç, shpirraq, i pafuqishëm, i brishtë, thatim.

SHËNDETLIG

SHËNDETLÍG,~U m. sh. ~Ë, ~ËT Ai që është në gjendje jo të mirë shëndetësore, ai që vuan vazhdimisht nga ndonjë sëmundje. Shëndetligu u përpoq të ngrihej në këmbë. Shëndetligu po i gëzohej ardhjes së beharit.
✱Sin.: ligaç, shpirraq, thatim.

SHËNDETPAKË

SHËNDETPÁKË mb., libr. Që nuk ka shëndet të mirë, i dobët nga shëndeti; kund. shëndetplotë. Nusja ishte shëndetpakë. Plak shëndetpakë. Vajzë shëndetpakë. Nuk i jepnin punë të rënda, sepse ishte shëndetpakë.
✱Sin.: shëndetdobët, i dobët, shëndetlig, i pashëndet, ligaç, shëndetpakë, shpirraq, i pafuqishëm, i brishtë, thatim.

TEKNEFES

TEKNEFÉS,~I m., vjet., bised. 1. Shpirrë. Vuan nga teknefesi. E ka zënë teknefesi. U sëmur nga teknefesi. U përhap teknefesi (te kuajt).
2. Shpirraq. Gulçon si teknefes.

TEKNEFES

TEKNEFÉS,~E mb., bised., Shpirraq, terk. Kalë teknefes. Pelë teknefese.

TERK

TÉRK mb. Që i merret fryma, shpirraq (për kuajt); teknefes. Merr frymë (kollitet) si kalë terk.
✱Sin.: shpirraq, teknefes.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë