Fjalori

Rezultate në përkufizime për “shpifës”

Mëso si ta përdorësh
<<< Kthehu te kërkimi kryesor në fjalor

FABRIKUES

FABRIKÚES,~I m. sh. ~, ~IT 1. Prodhues. Fabrikues makaronash.
2. fig., bised. Njeri që krijon e përhap diçka të paqenë, që s'është e vërtetë; shpifës. Fabrikuesit e thashethemeve.
✱Sin.: prodhues, shpifës, trillues.

FITNEXHI

FITNEXHÍ mb. Shpifës, ngatërrestar, sfinafutës. Fitnexhi i keq paska qenë!
✱Sin.: shpifës, ngatërrestar, sfinafutës.

FTIGAN

FTIGÁN,~E mb. 1. Që vuan nga ftiga, nga epilepsia. Njeri ftigan.
2. fig. Që merr zjarr e nuk përmbahet; nevrik, idhnak. Mbeti ftigan ai, nuk durohet.
3. fig., përçm. Shpifës e intrigant. Mos u merr me burra ftiganë!
✱Sin.: nevrik, idhnak, shpifës e intrigant.

FTIGAN

FTIGÁN,~I m. sh. ~Ë, ~ËT 1. Ai që vuan nga ftiga, nga epilepsia. Ftiganin e çuan në spital.
2. fig. Ai që merr zjarr e nuk përmbahet; nevrik, idhnak. Ftigani, na e prishi kuvendin!
3. fig., përçm. Ai që është shpifës e intrigant. Ftiganit mos i beso!

FTIGANE

FTIGÁN/E,~IA f. sh. ~E, ~ET 1. Ajo që vuan nga ftiga, nga epilepsia. Ftiganes i dhanë ilaçet.
2. fig. Ajo që merr zjarr e nuk përmbahet; nevrike, idhnake. Na nxehu, ftigania!
3. fig., përçm. Ajo që është shpifës e intrigant. Fjalët e ftiganes!

KRIJUES

KRIJÚES,~E mb. 1. Që ka aftësinë të krijojë diçka të re (një vepër letrare, shkencore etj.). Njeri (piktor) krijues.
2. Që lidhet me krijimtarinë kërkimore të dikujt në një fushë të veprimtarisë; që ka të bëjë me fuqinë mendore të njeriut; që nxit a ngjall dëshirën për krijimtari; që është shprehje e kësaj krijimtarie; kërkimor. Aftësi (zotësi, fuqi, fantazi, frymë) krijuese. Punë (vepër, veprimtari) krijuese. Mendim (karakter) krijues. Në mënyrë krijuese.
✱Sin.: kërkimor, shkencor, prodhimtar, prodhues, shpikës, ngjizës, trillues, shpifës.

LEHAQEN

LEHAQÉN,~E mb., përçm. Që flet shumë e kot për dikë a për diçka, që llomotit mbarë e prapë, llafazan; që flet keq a që shpif për dikë, që shan me fjalë të ndyra.
✱Sin.: llomotitës, dërdëllitës, llafazan, shpifës, shpifarak, shpifacak.

LLANGOSËS

LLANGÓSËS,~E mb. 1. Që ndot diçka; që e bën me njolla; që e lyen më shumë se ç’duhet. Mjeshtër llangosës. Nuse llangosëse. Makijazh llangosës.
2. fig. Që përbalt të tjerët duke shpifur e duke thënë gjëra të pavërteta; shpifës. Djalë llangosës. Vajzë llangosëse.
3. si em. m. e f. Sipas kuptimeve të mbiemrit.

NUNUKAÇ

NUNUKÁÇ,~E mb. 1. Që i mbahet goja kur flet; belbak.
2. fig. Thashethemexhi, shpifës.

PROZHMUES

PROZHMÚES,~E mb., krahin. Që flet keq për të tjerët, që përgojon; shpifës. Fjalë prozhmuese.

PËRGOJUES

PËRGOJÚES,~E mb. Që përgojon të tjerët, që merret me thashetheme.
✱Sin.: përfolës, përgojac, përgojaç, përgojash, përgojësh, shpërrallës, shpifës, prozhmues.

SHPIFACAK

SHPIFACÁK,~U m. sh. ~Ë, ~ËT përçm. Shpifës.

SHPIFARAK

SHPIFARÁK,~U m. sh. ~Ë, ~ËT përçm. Shpifës. Kalemxhinjtë shpifarakë. Sulme shpifarake.

SHPIFËS

SHPÍFËS,~I m. sh. ~, ~IT përçm. 1. Ai që e ka zakon të shpifë, ai që merret me shpifje; ai që ka shpifur për dikë. Shpifës i paturpshëm. U treguan vendin shpifësve. E gjetën shpifësin.
2. si mb. Që shpif; që përmban shpifje. Propagandë (fushatë) shpifëse.

STISËS

STÍSËS, ~I m. sh. ~, ~IT bised. 1. Ai që stis a thur aty për aty një këngë, vjershë etj. Stisës origjinal. Kishte një njohur një stisës të vjetër.
2. Ai që sajon gjëra të paqena. Stisës i çuditshëm. Nuk kishte njohur një stisës të tillë. I ruhej një stisësi të tillë. Stisësit i mbante larg.
✱Sin.: trillues, shpifës, gënjeshtar.

TRILLUES

TRILLÚES,~I m. sh. ~A, ~AT Ai që nxjerr e përhap poshtë e përpjetë fjalë jo të vërteta për të dëmtuar dikë ose për të cenuar nderin a emrin e dikujt, ai që trillon; shpifarak, shpifës.
✱Sin.: shpifarak, shpifës, sajues, gënjeshtar.

ÇMISTUES

ÇMISTÚES,~E mb. Që shpif, që çmiston. Njeri çmistues. Bisedë çmistuese.
✱Sin.: shpifës, sajues, trillues.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë