Fjalori

Rezultate në përkufizime për “shpengim”

Mëso si ta përdorësh
<<< Kthehu te kërkimi kryesor në fjalor

SHFAJËSIM

SHFAJËSÍM,~I m. sh. ~E, ~ET 1. Veprimi kur bëjmë përpjekje për të provuar pafajësi ose mungesën e fajit, mënyra si e bëjmë këtë veprim. Përpjekje për shfajësim. E bëri për shfajësim. Shfajësim bindës. Shfajësim i pjesshëm.
2. Shpjegime me gojë a me shkrim që sjellim te dikush për të çliruar dikë nga një faj, për t’ia lehtësuar gabimin ose për t’i dhënë të drejtë për diçka që ka bërë, shkarkim. Shfajësimi i dhunës. Gjen shfajësime. I ka shfajësimet në majë të gjuhës. E përdori si shfajësim.
3. drejt. Pafajësi. Mbrojtja kërkoi shfajësim për të pandehurin. Avokati solli argumentet për shfajësim. Gjykata rrëzoi vendimin për shfajësim.
3. fet. Marrja e faljes nga Zoti; shpengim, shpëtim. Morën shfajësim për mëkatin e tyre.
✱Sin.: justifikim, përgënjeshtrim, shkarkim, shkarki, larje, lirim, pafajësi.

SHPENGIM

SHPENGÍM,~II m. sh. ~E, ~ET Gjendje kur e ndiejmë veten të çliruar nga diçka që na pengon, na ndrydh a na kufizon në sjelljet e në veprimet tona. Ndjeu një shpengim. I jap shpengim dikujt.

SHËLBESË

SHËLBÉS/Ë,~A f. zakon. nj., fet. Çlirimi i shpirtit sipas fesë së krishterë, shpengimi nga mëkati e vdekja dhe ngritja e shenjtërimi i tij; shëlbim. Shëlbesa e shpirtit. Shëlbesa e madhe. Udhëheqësi i shëlbesës.
✱Sin.: çlirim, lirim, shpëtim, lehtësim, shpengim.

SHËLBIM

SHËLBÍM,~I m. zakon. nj. 1. fet. Shpëtimi i shpirtit sipas fesë së krishterë. Shëlbimi shpirtëror. Rruga e shëlbimit. Kungata e shëlbimit. Mbaj shpresë për shëlbim.
2. vjet. Akti i çlirimit të dikujt a diçkaje nga një situatë e rrezikshme. Shëlbimi i atdheut. Shëlbimi i gruas. Ishte shëlbim i vonuar.
3. fig. Gjendja kur shpëtojmë a ndihemi larg nga diçka jo e mirë. Shëlbimi nga padituria i erdhi përmes leximit. E ndeu se kishte qenë vetëm një shëlbim i rrejshëm.
✱Sin.: shëlbesë, çlirim, lirim, shpëtim, lehtësim, shpengim.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë