Fjalori

Rezultate në përkufizime për “shpejtazi”

Mëso si ta përdorësh
<<< Kthehu te kërkimi kryesor në fjalor

ALLTIAS

ALLTÍAS ndajf. 1. Shpejt, si plumbi i alltisë, sa çel e mbyll sytë, menjëherë. Iu përgjigj alltias aty për aty, flakë për flakë. I lumtë, iu përgjigj edhe ai alltias.
2. Njëra pas tjetrës; flaktas. Ia dha dy shuplakë alltias. Ranë dy pushkë alltiazi. Foli alltiazi.
✱Sin.: rrufeshëm, vetëtimthi, rrëmbimthi, flaktas, shpejt, shpejtazi, menjëherë, menjëherazi.

ATY-ATY

ATÝ-ATÝ ndajf., bised. 1. Pa kaluar shumë kohë, shpejt, në çast. Aty-aty harron. Aty-aty zemërohet. Aty-aty të gënjen.
2. Aty afër, afërsisht njësoj, pothuaj barabar. Aty-aty janë. Aty-aty të del.
✱Sin.: shpejt, menjëherë, fill, sakaq, shpejtas, shpejtazi, rrëmbimthi, nxitimthi.

SAORA

SAÓRA ndajf. [SANDÓRA, SANÓRA] Në atë çast, aty për aty. Erdhi saora. Tesh saora prej lufte e solla. E bëri saora detyrën.
✱Sin.: menjëherë, përnjëherë, përnjëherësh, brof, fugë, sakaqherë, sakaq, nxitimthi, rrëmbimthi, shpejt, shpejtas, shpejtazi, vrap, hopthi, fill, vetëtimthi, fluturimthi, vrik.

SHPEJT

SHPEJT ndajf. 1. Në mënyrë të shpejtë, me shpejtësi (për diçka që lëviz); duke përshkuar një largesë të madhe në pak kohë; kund. ngadalë. Eci (vrapoj) shpejt. Kaluan shpejt. Fluturon shpejt. Rrotullohet shpejt. I punonte zemra shpejt.
2. Brenda një kohe a një afati të shkurtër, në pak kohë; menjëherë; me nxitim; kund. ngadalë. Vishem (lahem) shpejt. Punon (ha, flet, lexon) shpejt. U përgjigj shpejt. U shërua shpejt. Është rritur shpejt. U vyshkën shpejt. E mbaroi shpejt. E zgjidhi shumë shpejt. E kuptoi (e mësoi) shpejt. Beson (nxehet, ulet, bindet) shpejt. I shkoi inati shpejt. Më shpejt se koha.
3. Pas një kohe të shkurtër, pas pak kohe, pa u vonuar; për së shpejti. Do të vij (do të nisem) shpejt. Eja shpejt! mos u vono. Duhet shpejt. Shko (nisu) shpejt! Sa më shpejt sa më parë. Tani shpejt tani së fundi, jo shumë kohë më parë.
4. Herët; më përpara se zakonisht, më përpara se të tjerët. Fle (zgjohem, ngrihem) shpejt. Ky fik piqet shpejt. Është ende shpejt për këtë s'ka ardhur ende koha (për të bërë diçka). bised. Qëkur, shumë kohë më parë. Ka shpejt kjo punë.
✱Sin.: shpejtas, shpejtazi, menjëherë, vrik, vringthi, lehtë, në çast, sakaq, përnjëherë, përnjëherësh, brof, fët, hovas, rrëmbyer, rrëmbimthi, nxitimthi, flutur, fugë, rrufe, shigjetë, vetëtimë.
♦Shpejt e shpejt. 1. Brenda një kohe shumë të shkurtër, shumë shpejt, pa humbur kohë; me vrap; nxitimthi. 2. keq. Me nxitim e pa kujdes, duke e bërë diçka shpejt, por jo si duhet; shkel e shko; sa për të shkuar radhën; dy hunj e një purtekë.

SHPEJTAZI

SHPÉJTAZI ndajf. Shpejtas. U kthyen shpejtazi. I hodhi një vështrim shpejtazi.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë