Fjalori

Rezultate në përkufizime për “shpërjer”

Mëso si ta përdorësh
<<< Kthehu te kërkimi kryesor në fjalor

KOJ

KÓJ vep., KÓVA, KÚAR kal. 1. Ushqej dikë me lugë a me një mjet tjetër (një të sëmurë, një foshnje etj.); mëkoj. Koj me lugë. Koj gjelin e detit me ullinj.
2. bujq. Zëvendësoj një fidan, një bimë etj. me një tjetër më të mirë. Koj fidanët e dobët.
3. Zgjat artificialisht flokun a gërshetin me fije të tjera. Koj flokun e së moshuarës.
4. fig., iron. I jap mitë a ryshfet dikujt. E koi gjyqtarin me ryshfet.
✱Sin.: mëkoj, shpërjer.

SHEMËRTOJ

SHEMËRT/ÓJ vep., ~ÓVA, ~ÚAR Zëvendësoj me fidanë të rinj bimët që nuk kanë zënë ose që janë kalbur; koj, rimbjell. Shemërtoj domate. Po shemërtonte duhan. Kam për të shemërtuar bostan.
✱Sin.: koj, ndërroj, zëvendësoj, rimbjell, plotësoj, shpërjer.

ZËVENDËSOJ

ZËVENDËS/ÓJ vep., ~ÓVA, ~ÚAR kal. 1. I zë vendin dikujt në një punë a në një detyrë, kryej detyrën e zëvendësit të dikujt. Zëvendëson përgjegjësin (drejtorin). E zëvendëson përkohësisht. Nuk të zëvendësojmë tani për tani.
2. Bëj që t'i zërë vendin dikush a diçka tjetër, vë një tjetër në vend të tij a të saj, ndërroj; vë në vend, plotësoj. Zëvendëson rojat. Zëvendësoi telat (gomat). Zëvendësoi dëmet. Zëvendësuan misrin me grurë. I zëvendësoi të gjitha humbjet. Ma zëvendësoi dëmin që më bëri.
3. vet. v. III I zë vendin diçkaje tjetër, vjen diçka tjetër në vend të saj, e ndërron. Dritën e zëvendësoi errësira. Zhurmën e zëvendësoi një qetësi e plotë.
✱Sin.: këmbej, shkëmbej, ndërroj, shemërtoj, shpërjer, plotësoj, rimbjell, ndërroj.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë