Fjalori

Rezultate në përkufizime për “shpërfytyruar”

Mëso si ta përdorësh
<<< Kthehu te kërkimi kryesor në fjalor

PËRÇUDNUAR

PËRÇUDNÚAR (i, e) mb. 1. Që ka humbur trajtën e rregullt dhe hijeshinë; shumë i shëmtuar, sa nuk shihet me sy; i prishur. Me fytyrë të përçudnuar. Me gojë të përçudnuar.
2. Që ka humbur vetitë e mira, që është prishur moralisht; i zvetënuar, i përdhosur. Njeri i përçudnuar. Ka karakter të përçudnuar.
✱Sin.: i shfytyruar, i shpërfytyruar, i shëmtuar, i shformuar, i prishur, i shkalaveshur, i zvetënuar, i ngërdheshur, i shkarraveshur.

SHEMBUAR

SHEMBÚAR (i, e) mb. Që është i shëmtuar; i përçudnuar; kund. i bukur. I veshur në atë mënyrë ngjante edhe më i shembuar. Plak i shembuar.
✱Sin.: i shëmtuar, i përçudnuar, shëmtak, shëmtarak, shenjërak, i shformuar, i shpërfytyruar.

SHFYTYRUAR

SHFYTYRÚAR (i, e) mb. 1. Që i është prishur forma e rregullt e fytyrës a e trupit; i shtrembëruar. Pamje e shfytyruar. Ishte e shfytyruar nga operacionet plastike.
2. fig., libr. Që i janë prishur tiparet dalluese. Histori e shfytyruar. Gjuhë e shfytyruar.
✱Sin.: i shëmtuar, i shtrembëruar, i shfytyruar, i shpërfytyruar, i shformuar, i përçudnuar, i çnatyruar, i prishur.

SHPËRFYTYRUAR

SHPËRFYTYRÚAR (i, e) mb. Që është ndërruar në fytyrë, që duket tjetër njeri, që ka marrë një pamje tjetër, i shfytyruar. Krijesë e shpërfytyruar.

SHËMTAK

SHËMTÁK,~E mb., keq. Që është i shëmtuar, shëmtarak; kund. i bukur. Burrë shëmtak. Ishte i shkurtër e shëmtak. Djalë shëmtak.
✱Sin.: shëmtarak, shëmtan, shëmtaraq, i shëmtuar, i përçudnuar, i çuduar, i shpërfytyruar, i shfytyruar.

SHËMTAKE

SHËMTÁK/E,~JA f. sh. ~E, ~ET Ajo që është e shëmtuar, shëmtarake; kund. bukuroshe. - Shëmtakja e dreqit! - Shëmtake e vogël, ti!
✱Sin.: shëmtarake, shëmtaraqe, e përçudnuar, e çuduar, e shpërfytyruar, e shfytyruar.

SHËMTAN

SHËMTÁN,~E mb., keq. Që është i shëmtuar; kund. i bukur. Djalosh shëmtan. Grua shëmtane. I riu shëmtan.
✱Sin.: shëmtak, shëmtarak, shëmtaraq, i shëmtuar, i përçudnuar, i çuduar, i shpërfytyruar, i shfytyruar.

SHËMTARAK

SHËMTARÁK,~E mb., keq. Që është i shëmtuar; kund. i bukur. Kishte një maçok shëmtarak. Ishte pak shëmtarake. I doli përpara një mur shëmtarak.
✱Sin.: shëmtak, shëmtan, shëmtaraq, i shëmtuar, i përçudnuar, i çuduar, i shpërfytyruar, i shfytyruar.

SHËMTARAQ

SHËMTARÁQ,~E mb. Që është i shëmtuar; kund. i bukur. Plak shëmtaraq. Majmun shëmtaraq. I kaloi pranë një mi shëmtaraq.
✱Sin.: shëmtak, shëmtan, shëmtaraq, i shëmtuar, i përçudnuar, i çuduar, i shpërfytyruar, i shfytyruar.

TRANSFIGURUAR

TRANSFIGURÚAR (i, e) mb., libr. I shfytyruar, i shpërfytyruar.

ZHGARAVINË

ZHGARAVÍN/Ë,~A f. sh. ~A, ~AT 1. Shkrim apo vizatim i bërë në mënyrë të shpejtë, të papërpunuar dhe të parregullt, që është e vështirë për t'u lexuar apo kuptuar. Shkruhej me një shkrim të çakërdisur si zhgaravinë. Për këto zhgaravina s’ka vend në apartamentin tonë - tha ajo njëherë. Në fletore kishte vetëm disa zhgaravina të pakuptimta.
2. keq. Njeri me fytyrë të shëmtuar a të shpërfytyruar. - Ç’merresh me atë zhgaravinë.
3. si mb., fig. Që është bërë me pak përkushtim ose pa estetikë; që është e paqartë ose e pavlerë. Pikturë zhgaravinë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë