Fjalori

Rezultate në përkufizime për “shoshitje”

Mëso si ta përdorësh
<<< Kthehu te kërkimi kryesor në fjalor

ANALIZIM

ANALIZÍM,~I m. sh. ~E, ~ET 1. Veprimi kur analizoj ose kur analizohet diçka.
2. Zbërthimi i diçkaje në pjesë përbërëse për ta studiuar; i bëj analizën. Analizimi i tekstit.
3. Shqyrtim i një çështjeje, i një pune etj. duke e zbërthyer e duke e parë nga të gjitha anët; marr në analizë. Analizimi punës vjetore. Analizim laboratorik. Analizimi i çështjes demografike. Analizimi i dëmeve të shkaktuara nga moti. Analizim i çështjes. Analizim i gjendjes politike. Analizim i thelluar. Analizim i rrethanave shoqërore. Analizimi i fakteve historike. Analizimi i të dhënave.
✱Sin.: analizë, zbërthim, shkoqitje, përimtim, shqyrtim, shoshitje, qëmtim, qëmtesë, hetim, zbulim.

ANALIZË

ANALÍZ/Ë,~A f. sh. ~A, ~AT 1. Metodë studimi me të cilën e tëra zbërthehet në pjesët e veta përbërëse, me qëllim që të zbulohet ndërtimi i së tërës dhe lidhjet ndërmjet pjesëve; kund. sintezë. Analizë shkencore. Analizë financiare. Analiza dhe sinteza. Përdor analizën.
2. Shqyrtimi i një çështjeje, i një pune, i një vepre etj. duke e zbërthyer dhe duke e vështruar nga të gjitha anët e me imtësi; procesi i hetimit të hollësishëm dhe sistematik për të nxjerrë përfundime. Analiza vjetore. Analizë statistikore kompjuterike. Analiza e punës. Analiza e shkaqeve (e të metave). Analiza politike e ngjarjes. Analiza e sjelljes. I bën analizën. Marr në analizë. Analiza zbuloi dobësitë e planit. Analiza matematikore. Analiza objektive. Në analizë të fundit (libr.) pasi është shqyrtuar nga të gjitha anët, në fund të fundit.
3. spec. Zbërthimi i një lënde në elemente për të përcaktuar përbërjen e saj dhe vetitë e elementeve; zbërthimi i një figure, i një vale, i një rrezatimi etj. në elemente të veçanta. Analizë kimike. Analizë spektrale (elektrike). Analiza e gjakut (e ujit). Laborator analizash. Përfundimet e analizave. Bën analizën. Mori përgjigjen e analizave.
4. gjuh. Zbërthimi i fjalëve ose i fjalive në pjesët përbërëse për të përcaktuar vlerat e tyre gramatikore, leksikore, semantike, sintaksore etj. veç e veç. Analiza gramatikore (fonetike, morfologjike, sintaksore, leksikore, kuptimore). Analiza stilistike. Analiza logjike. Analiza gjuhësore ndihmon të kuptuarit e strukturës së fjalisë.
✱Sin.: analizim, zbërthim, shkoqitje, përimtim, shqyrtim, shoshitje, qëmtim, qëmtesë, hetim, zbulim.

BLUARJE

BLÚARJ/E,~A f. 1. Veprimi kur bluaj diçka. Bluarja e drithit. Bluarja e kafesë. Bluarje me rul. Makina e bluarjes. Linjat e bluarjes. Teknika të bluarjes. Mulliri i bluarjes. Të përshtatura për bluarje. Gur bluarjeje.
2. Përtypja e ushqimit me dhëmbë para se të kapërdihet, përçapje; tretje në stomak. Është bërë pluhur nga bluarja me dhëmbë. Bluarja e ushqimit.
3. Brejtje, grirje.
4. fig. Përvetësim më i mirë i mësimit, i dijeve etj.; zotërim, përtypje, thithje, asimilim.
5. fig. Shoshitje, tretje, shestim. Bluarja e mendimeve.
6. fig., bised. Dërdëllitje, turtullitje.
✱Sin.: thërrmim, miellzim, grimcim, imtim, imshtim, grirje, përtypje, përçapje, mbllaçitje, tretje, përvetësim, zotërim, thithje, asimilim, shoshitje, përsiatje, shestim.

PESHIM

PESHÍM,~I m. sh. ~E, ~ET 1. Veprimi sipas kur peshoj ose kur peshohem.
2. fig., bised. Vëmendje e posaçme; kujdes i madh në një punë a veprim. E lexoi me peshim.
✱Sin.: gjykim, vlerësim, matje, përsiatje, përfillje, peshëmatje, ndikim, mëshim, rëndim, shqyrtim, rrahje, shoshitje.

PLEQËRIM

PLEQËRÍM,~I m. Veprimi kur pleqëroj ose kur pleqërohet. Pleqërimi i një pune. Komisioni i pleqërimit (etnogr.).
✱Sin.: pleqësim, përkujdesje, shqyrtim, rrahje, trajtim, gjykim, shoshitje.

PLEQËSIM

PLEQËSÍM,~I m. sh. ~E, ~ET etnogr. 1. Veprimi kur pleqësoj ose kur pleqësohet. Pleqësimi i një pune.
2. Vendimi që jepej nga pleqtë a nga këshilli i pleqve për një çështje.
3. Pleqërim (i një çështjeje a i një pune).
✱Sin.: pleqërim, rrahje, shqyrtim, trajtim, gjykim, shoshitje.

PËRSHOSHJE

PËRSHÓSHJ/E,~A f. sh. ~E, ~ET 1. Shoshje.
2. fig. Shoshitje.

PËRSIATJE

PËRSIÁTJ/E,~A f. sh. ~E, ~ET 1. Veprimi kur përsiat ose kur përsiatem. Përsiatja e punës.
2. Të menduarit thellë, rrahja mirë me mend e gjërave për të gjetur shkaqet e arsyet e diçkaje, për të zbuluar të vërtetën, për t’i dhënë përgjigje një pyetjeje a një mëdyshjeje etj. Përsiatjet e poetit. Përsiatjet mbi natyrën (mbi jetën e njeriut).
✱Sin.: të menduar, rrahje, peshim, shqyrtim, shoshitje.

RRAHJE

RRÁHJ/E,~A f. sh. ~E, ~ET 1. Veprimi kur rrah a rrihet një lëndë; kryerja e një pune duke goditur, duke trokitur etj. Rrahja e hekurit. Rrahja e qumështit (e vezëve). Rrahja e leshit (e pambukut).
2. Zënkë midis dy a më shumë vetave me pëllëmbë ose grushte. Policia e ndaloi djaloshin për rrahje.
3. Puna e një sendi, organi duke trokitur me rregull (për zemrën, damarët etj.). Ka rrahje të shpeshta. Rrahjet e zemrës. Rrahja e damarëve.
4. fig. Shqyrtim me imtësi e nga shumë anë i një çështjeje. Rrahja e mendimeve.
✱Sin.: zënkë, zënie, goditje, zhdëpje, kopanisje, mundje, dajak, luftim, përsiatje, shoshitje, trajtim, anim, shoshitje, pleqësim, bashkëbisedim.

SHOSHITJE

SHOSHÍTJ/E,~A f. sh. ~E, ~ET Veprimi kur e shqyrton me hollësi diçka. Shoshitje e imët. Shoshitja e grurit (e elbit). Shoshitja e zhavorrit. Reparti i shoshitjes së qymyrgurit.

SHOSHËLIM

SHOSHËLÍM,~I m. sh. ~E, ~ET Shoshje; shoshitje. Shoshëlim i kujdesshëm.

SILLOI

SILLOÍ,~A f. sh. ~, ~TË Mendim. Në kokë kishte gjithmonë një silloi. E kam silloinë tek ti.
✱Sin.: të menduar, mendje, thënie, shprehje, pohim, pikëpamje, bindje, shoshitje, gjykim, arsyetim, vlerësim, ide, këshillë, përshtypje, nijet, shestim,.

TESTËRIM

TESTËRÍM,~I m. Shoshitje, shqyrtim i një çështjeje, diskutim për zgjidhjen e një çështjeje.
✱Sin.: shoshitje, shqyrtim, shestim.

TOROSHOSHJE

TOROSHÓSHJ/E,~A f., bised. Shoshitje mirë e një pune a e një çështjeje para se t’i futesh; shqyrtim i diçkaje nga të gjitha anët. Toroshoshja e mendimeve.
✱Sin.: shoshitje, stërshoshitje, rrahje, peshim, shqyrtim, analizim.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë