Fjalori

Rezultate në përkufizime për “shluk”

Mëso si ta përdorësh
<<< Kthehu te kërkimi kryesor në fjalor

FLLUSKË

FLLÚSK/Ë,~A f. sh. ~A, ~AT 1. Bulë ajri a gazi, që ngrihet në sipërfaqen e një lëngu kur zien ose kur tundet; bulë lëngu që ka ajër ose gaz brenda; një bulë e tillë në sipërfaqen e diçkaje. Flluskë uji. Flluskë ajri. Flluska sapuni. Nxjerr (lëshon) flluska. Formohen flluska.
2. Fshikë në lëkurë e mbushur me ujë a me një lëng si të verdhë, që shkaktohet zakonisht nga djegia ose nga një sëmundje; puçërr me ujë a me qelb. Iu bë një flluskë. U mbush me flluska.
3. anat. Organ a pjesë e butë e një organi, si qeskë e vogël e mbushur me lëng ose me ajër, hojëz; fshikëza e peshkut. Flluskat e mushkërive. Flluskat e peshkut.
4. bot. Sëmundje e bimëve, që ua fryn këtyre gjethet dhe ua bën si fshika. Gjethet i kapi flluska.
5. fig. Plan, mendim, ide a shpresë që nuk ka baza të shëndosha e nuk mund të plotësohet dhe që zhduket a shuhet menjëherë. E gjitha qe një flluskë.
✱Sin.: bulë, lylë, buburiskë, fshikë, fshikëz, hojëz, fulltakë, pufkë, pofkë, buzhelë, bushliqe, shluk, gavole.
♦ Flluskë sapuni mospërf. diçka pa vlerë ose pa baza, që zhduket shpejt e pa lënë gjurmë, diçka që nuk zgjat shumë. Bëhem flluskë dobësohem shumë; ligem fare. Lëshon flluska (dikush) tall. thotë fjalë boshe, flet kot.

FULLTAKË

FULLTÁK/Ë,~A f. sh. ~A, ~AT 1. Flluskë që bëhet në trup nga të djegurit ose nga të rrahurit me hithër a me diçka tjetër të helmët. Fulltakat e lëkurës (e mishit).
2. Njollë e zezë, blanë në trupin e njeriut a të kafshëve nga të goditurit. Iu bë lëkura gjithë fulltaka.
✱Sin.: shluk, flluskë, blanë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë