Fjalori

Rezultate në përkufizime për “shkurajuar”

Mëso si ta përdorësh
<<< Kthehu te kërkimi kryesor në fjalor

DEKURAJUAR

DEKURAJÚAR (i, e) mb., libr. Që ka humbur kurajën ose guximin, i shkurajuar; kund. i inkurajuar. Njerëz të dekurajuar. Për t’i dhënë zemër besimtarit të dekurajuar.

DEPRESIV

DEPRESÍV,~E mb., psik., mjek. 1. Që ka të bëjë me depresionin, i depresionit; ligështues. Çrregullim depresiv.
2. I ligështuar; zemërthyer e i ndrydhur; i rënë, i shkurajuar. Në gjendje depresive.
3. Që shkakton një ndjenjë trishtimi; që e bën të vështirë për shikuesin ose dëgjuesin të ndihet i lumtur ose i gëzuar. Ngjarje depresive.

LIGËSHTUAR

LIGËSHTÚAR (i, e) mb. 1. I dobësuar nga të pangrënët ose nga një sëmundje; i pafuqi, i pafuqishëm; kund. i shëndoshur.
2. I sëmurë, i pamundur.
3. Që e ka lëshuar zemra; që është vrarë shpirtërisht; që e ka humbur guximin, i trembur; që është prekur thellë në shpirt e nuk e mban dot veten. E gjeti mjaft të ligështuar.
4. Që ka humbur pjellorinë, që është varfëruar. Tokë e ligështuar.
✱Sin.: i dobësuar, i ligur, i trembur, i shkurajuar, i zgajtur, i zgërlaqur, i zhaposur, i molisur, i zhargavitur, i frikësuar, i dobët, i sëmurë, i pamundur, i vuajtur i pocaqisur, barutlagur, i rraskapitur, i prekur, i varfëruar,.

LËSHUAR

LËSHÚAR (i, e) mb. 1. Që varet poshtë lirisht. Me perde të lëshuara. Me mëngë të lëshuara. Me krahë të lëshuar. Me flokë të lëshuar.
2. bised. vjet. Që e kishte ndarë burri e ishte kthyer te prindërit. Grua e lëshuar.
3. Që ka rënë nga shëndeti dhe është dobësuar shumë. Plak i lëshuar.
4. fig. Që nuk u ka qëndruar dot vështirësive a fatkeqësive, që ka humbur guximin e vendosmërinë, që s'ka më zemër për të vepruar; që ka rënë shpirtërisht. Ishte shumë i lëshuar.
5. fig. I shthurur nga ana morale ose i dhënë shumë pas pijeve, qejfeve, kumarit etj., i papërmbajtur; i papërmbajtur në të folur, gojështhurur. Njeri i lëshuar. Bënte një jetë të lëshuar. Ka gojë të lëshuar.
6. I zvargur (për zërin). Zë i lëshuar.
✱Sin.: i rënë, i flashkët, i ulur, i derdhur, i rraskapitur, i liruar, i lirshëm, i çlirët, i lirë, i shkrehur, i shtendosur, i ndarë, i lënë, i dobësuar, i rënë, i shkundur, i hequr, i fishkur, i tretur, i bizgosur, i shkurajuar, i zgajtur, i ligështuar, i zbërthyer, shpatullarënë, shpatullarrëzuar, i trembur, i frikësuar, i shthurur, i papërmbajtur, gojështhurur, i zvargur, i dorëzuar.
♦ Me *dorë të lëshuar E ka gojën (gjuhën) të lëshuar (dikush) është llafazan i madh, llap shumë, flet me vend e pa vend; shan e përflet gjithkënd; është gojështhurur; e ka (e zgjat) gjuhën lëpjetë; nuk i vë fre gojës. Qen i lëshuar nga *zinxhiri.

SHKURAJUAR

SHKURAJÚAR (i, e) mb. Që është shkurajuar, që është pa kurajë, i dekurajuar. Ishte kjrejt i shkurajuar.

ÇINKURAJUAR

ÇINKURAJÚAR (i, e) mb. Që e ka humbur kurajën, që është çinkurajuar, i shkurajuar; kund. i inkurajuar. Punëtorët e çinkurajuar. Qëndrim i çinkurajuar. Votuesit ishin të çinkurajuar.
✱Sin.: i shkurajuar, i dekurajuar.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë